حوار من طرف واحد

 

 

2013 !!! ايه ظروفك ندخل ولا مندخلش؟
 

احنا يعنى شوفنا 2011 و 2012 اخواتك و كانت شوفة مش قد كدة الحقيقة
 

خليكى صريحة معانا , على الاقل لما ندخل نبقا عارفين ايامنا شكلها ايه
 

انا اصلى مبحبش المفاجآت .. و بصراحة بقا كفاية علينا مفاجآت لحد كدة
 

و بعدين انا اصلا متوغوشة منك اكمنك بادئة ب 13 يعنى
 

متزعليش من الحق ,, انتى عارفة 13 دى سُمعتها عاملة ازاى
 

مع انى لا أؤمن بالتخاريف دى بس اديكى شايفة الحال
 

مبقيناش ناقصين و لا بقى فينا اعصاب و الضغط انتشر فى البلد
 

ان كان فى حاجة مخبياها علينا قولى من دلوقت ,, متجيش ساعتها و تستعبطى
 

عموما انا مش هدخل الا لما اشوف اللى دخلوا حصلهم حاجة ولا لأ
 

وبعدها ابقا ادخل ,,, اصل انا عارفاكى اول ما بندخل بتقفلى الباب ورانا
 

مبنعرفش نرجع تانى

و بعدين أنا قلقانة اوى

فى ظل انقطاع الكهرباء المستمر

تيجى الساعة 12

النور يقطع

ميرجعش تانى
 

*

*

*

سنة سعيدة على الكل ان شاء الله
 

و كله يدخل برجله اليمين
 

و يسمى قبل ما يدخل
 

السنة الجديدة ليها شوقة بردو

 

 

 

جوازة الندامة

برنامج اذاعى يهم كل فئات المجتمع المتحضر فى حبيبة قلبى واحدة من دول العالم الثالث

 

3

2

1

0

 

المذيعة : أهلا وسهلا بيكم فى الحلقة الاولى من برنامجنا و برنامجكم الساحر اللوذعى الرائع ( جوازة الندامة)

وفى بداية برنامجنا نسمع مع بعض اغنية ( متحسبوش يابنات ان الجواز راحة )

 

*

*

*

*

اهلا بيكم مرة تانية ..

جاتلنا ايميلات كتير من ناس بتشتكى من بعضها

اول ايميل من الست مرجانة بيقول : هاى شرشر , انا بسمع برنامجك كل يوم و بتابع كل حلقاته

المذيعة : اهلا بيكى صديقة البرنامج , و نحب نفكر السادة المستمعين بمواعيد البرنامج ( قبل ما انسى ) , الصبح بعد الفطار و الضهر بعد الغدا و بالليل بعد العشا , نظرا لاننا البرنامج الوحيد فى الاذاعة لحد دلوقتى وياريت عاجب , نورتينا ياست مرجانة و يارب بس تكونى بتستفادى من نصايحى وبتعملى بيها , أهم حاجة عندى التنفيييييييذ ...

تكملة الميل : انا عايزة اشتكيلك من جوزى , مبيسمعش الكلام و اليومين دول متصاحب على واحد خلاه يغسل المواعين بالليل بس يا شرشر , انا تعبت ومش عارفة اعمل ايه؟

المذيعة : الموضوع دة بقا منتشر اوى و الازواج طالعين بتقليعة اليومين دول انهم يغسلوا المواعين مرة واحدة فى اليوم , ولازم نوجه رسالة لجوز الست مرجانة و نتمنى تكون سامع حلقتنا دلوقتى ابعد عن اصدقاء السوء , محدش هينفعك ، و انت حُر و ذنبك على جنبك حضرتك

 

الايميل التانى من الست أمينة بتقول : ان جوزها كل يوم والتانى عند مامته و مقصر فى تربية الاولاد , لدرجة ان الولد الكبير اللي كان بيروح مع أبوه السوق بقا منطوى اوى و دايماً يقولي ( بابا فين يا ماما ؟ بابا فين يا ماما ؟ ) , الولد هيطلع معقد بسبب اهمال ابوه يا شرشر ، و انا خلاص زهقت ومابقتش طايقة ؟

المذيعة : احنا من برنامجنا هنا بنوجه رسالة لوالدة جوز الست أمينة و بنقولها ابعتى ابنك ع البيت انتى كدة هتخربى بيته و تبقى السبب فى طلاقه , و نقول للزوج ابنك ثم ابنك ثم ابنك , انت هتطلع جيل فاشل للمجتمع , لم نفسك احسنلك... حضرتك .

 

و دلوقتى مع فاصل ....

<<<< سمنة النخلتين جوزك يرجع فى أكلتين >>&gt;

 

*

*

*

اهلا بيكم من جديد

وصلنا ايميل من ميدو بيقول فيه : ماما كل يوم الصبح تزعق لبابا علشان يطبخ الغدا قبل ما يروح الشغل , وهو بيمشى قبل ما يطبخ , ارجوكى يا طنط كلمى بابا عقليه ، علشان ماما دمها مايتحرقش كل شوية , و انا برجع من المدرسة جعان يا طنط .

المذيعة : ( طنط دى تبقا خالتك ) , احم ,,, و دور برنامجنا هنا انه يوجه نداء لوالد ميدو و نقوله كدة ميصحش و حاول تنظم وقتك , مفيهاش حاجة يعني لو صحيت بدرى ساعة و خلصت الغدا و شغل البيت و بعدين تروح الشغل , مانت لو حد من اصحابك ندهلك هتقوم تجرى جري زى القرد حضرتك .

 

رسالة كمان من الاستاذ ( ل.ل.ل) : بيشتكى فيها من زوجته انها دايما عايزاه يفرد الغسيل وهو بينشره , ومشاكل كتير بينهم بسبب الموضوع دة و مفضوحين عند الجيران .

المذيعة : يا أستاذ ( ل) واضح ان الجيران اشتكت منك و من عمايلك , نصيحة لازم تفرد الغسيل علشان ينشف عدل و ميحتاجش كوى , و بعدين مراتك عايزة توفر عليك لانك انت بردو اللى هتكوى فى الاخر .... جتكوا القرف .. أأأ حضرتك .

 

دلوقتى وصلنا لنهاية برنامجكم المحبوب ,

برنامج كل بيت ,

برنامج الموسم وكل موسم ,  

*

( جوازة الندامة )

*

 ونسمع اغنية ( شيل دة من دة ) و مى كساب

 

ومتنسوش تراسلونا على ايميل البرنامج WWW.comb

حافظ عليه ..

وأهديتُ قلباً صغيراً أليك ..
يسامرُ قلبك يحنو إليه
وأودعتُ فيه زماناً جميلاً ...
وحصّنت سرّي في مقلتيه
فإن جاء يوماً وأصبحت طيفاً ....
وصرت غريباً على ضفتيه
وجاء لقلبك ضيفاً جديداً ....
وأصبحتُ كالأمس ذكرى لديه
وأضحى مكاني صمتاً رهيباً ....
حطامُ الأماني على راحتيه
فرفقاً بقلبي هذا الصغير .....
إذا ما رأيت دمائي عليه
وأهديتُ قلباً صغيراً إليك ...
ليحكي لقلبك ما أشتهيه
سيسأل عني فلا تزجريه .....
ويشتاق صوتي فلا تسأميه
سيشفع لي أن أردت الرحيل ....
... ويمسك فيك فلا تنهريه
يردد أسمي كثيراً عليك ....
ويشدو بشعري .. ولن تسمعيه
ويرسم وجهي على كل شئ ...
ويشكو بحزن ولن ترحميه
وإن فرقتنا دروب الحياة ....
وجاءك يجري فلا تنكريه
ويوماً سيبكيك عمراً جميلاً ...
إذا ضاع منك ولم تحفظيه
سيصرخ في الناس طفلاً يتيماً ..
لقيط الأحبة من يشتريه

فاروق جويدة

I'M NOT THIRTY

كثيرة هي ذكرياتي كأني عشت ألف عام
إنها خزانة ضخمة مزدحمة الأدراج ..
بأوراق الجرائد والأشعار والبطاقات الرقيقة
والدعاوى والأغاني العاطفية !
إن ما تخفيه من الأسرار أقل مما يخفيه وجداني الحزين
إنها كهف وهرم واسع يحوي من الجثث
فوق ما تحويه الحفرة الجماعية !

أنا مقبرة عافها القمر، يسعى فيها
كما يسعى الندم دود طويل ينقض دائما بنهم
على الأعزاء من أمواتي !

أنا بهو قديم تملؤه الزهور الذابلة !!
أنا الصرخة الحادة في صوتي
والسُّم الأسود في دمي
أنا المرآة المشؤومة التي تتملى
فيها المرأة الشرسة وجهها
أنا الجرح والسكين أنا الخدُّ والصّفعة
أنا الجسد ودولاب التعذيب
أنا الجلاد والضحية
أنا مصاص دماء قلبي
وأحد هؤلاء المنبوذين العظام
الذين حُكم عليهم بالضحك المؤبد
ولكن امتنع عليهم الابتسام !

شعر مترجم
( بودلير- شاعر فرنسي )

2012 وانتوا طيبين ...

الملك مينا وّحد القطرين .. ومينا دانيال وّحد المصريين .. واحد وّحد أرض مصر .. و التانى وّحد قلب مصر .. لكل الاقباط والمسلمين كل سنة ونتوا طيبين :) .. رغم انف السلفيين

ابحث مع الشرطة ....

تعالى هنا ايها القلب لقد تعبت من ركضى وراءك ..

تعالى حالا هنا والا تركتك تواجه مصيرك ..

أعرف انك ضعيف لا تحتمل الصدمات ..

اذا لماذا تجعلنى الهث وراءك كل مرة ..

قلت لك تعالى هنا ولا تذهب بعيدا عنى فأنت بدونى ستموت حيا ..

أيعجبك ان يمشى عليك الناس ..

أو ان يلتقطك أحد المارة ليجعلك عبدا له ..

تعالى هنا أيها الغبى فانت لا تعرف مصلحتك أكثر منى ..

أين انت؟ اعرف انك تختبئ منى اما خلف شجرة او فى كهف من الكهوف ..

اعرف انك تهرب بحثا عن الحب والأمان ..

ولكن ألم تيأس ؟ ألم تشعر بالتعب ؟ ألم تتعلم ؟؟

فمكانك فى أعماق من يحبك و يخاف عليك و يربت عليك بيد حانية ..

انه أنا ..

انا الوحيدة القادرة على حمايتك ..

تعالى ارجوك ولا ترهقنى ذلا :(

هو اللى جاى ايه ؟؟

اصبحت الحياة تختنق .. كلما انتقلنا من دقيقة الى اخرى .. من ساعة الى اخرى .. من يوم الى اخر ..اصبحت اسير فى طريق لا أرى امامى .. وانعدمت الرؤية من خلفى .. الضباب يملأ السماء .. ربما بالامس كنت ارى اين تسير قدمى ولكن الان لا شئ ولكننى اسمع جيدا .. اسمع همسات ضاحكة على طريقى المظلم .. ربما طريقهم اكثر ظلاما من طريقى ولكن هذه عادة البشر .. رفقا بى أيتها الأيام .. فأنا لم أعد أقوى على احتمال الآلام

قصة موبايل حزينة ....

موبايلى كان بزراير

دلوقتى بقا بالتاتش

صعبان عليا الراجل

فجأة وقع منطقش

جريت والدمعة فى عينى

رد عليا يا غالى

طب رن لو حتى رنة:((

فتح عينيه فى ثوانى

وكأنه تليفون تانى

مش فاكر حاجة خالص

ولا عارف مين انا

و زرايره اتلخبطت

و الميمورى اتفرمتت

دة انا لو هعمل صيانة

مش هيكفيه سنة

قلتله قوم شد حيلك

خبطة وهتعدى

قوم نفض الجراب

متحسسنيش بالهم

بصلى بعيون حزينة

وقاللى :

ادخل بطاقة ال SIM

النصر أو الشهادة

بصيتلك من بعيد ..
فى كل حتة شهيد..
حتى ابنك الوليد..
اتظلم بردو زيادة..
رايح طالع عينيه..
ماسك لوحة فى ايديه..
وكتاب كاتب عليه..
النصر او الشهادة
وست كبيرة قاعدة..
تقول دة انا كنت وردة..
الهم خد منى و إدا
ولا حاسس بده ولا ده
وراجل عجوز غلبان..
مستنى فى الميدان..
بيقول هقعد كمان ..
لو طلبى اترمى كالعادة..
يا شباب مليان حماس..
فى كل حتة انداس..
رافعينكوا فوق الراس
دى مصر صحيح ولّادة

NONA

محاسن فى الإنسانية والإنسانية فى محاسن

محاسن النهاردة ضيفة برنامج الإنسانية اليوم الساعة 8 ونص مساء ان شاء الله

وقالتلى اعمل الموضوع دة عندى مع انى مش عارفة اعمله ازاى

بس على كل محبيها متابعة الحلقة وليكوا الأجر والثواب

ونفسكوا معاها كدة

واللى يقدر على حاجة يعملها ربنا يسهل واقدر اسجل الحلقة واتصل عليها اعمل ليها حس

وربنا معاكى يا محااااااااااااااااااااااسن