السبت، 30 مايو، 2009

لسنا الوحيدون ولكننا الأفضل

ضع علامة √ فى المربع 
عندنا كل جديد
هل تبحث عن موظف أو موظفة بمواصفات سوبر مان
هل تبحث عن موظف أو موظفة فى دهاء مستر ( X )
إليكم الحل الأمثل :
الموظفة العجيبة ................
يمكنكم استخدامها فى أى وقت و لأى شئ
انها تقوم بالتزوير بشكل جيد لا يتم اكتشافه واذا اكتشفت تحلف بالله ماحصل
انها سارقة ماهرة ( بمعنى أصح تسرق الكحل من العين) ثم تبكى متظلمة
انها متمرسة فى نشر الوقيعة بين الآخرين بدهاء ومكر
إنها فتانة رفيعة المستوى وكذابة درجة أولى ( وياويلك لو اعترضت طريقها)
لديها قدرة عجيبة على التعرف على جميع من هم من أصحاب الذمم الميتة وشراءهم بأبخس الأثمان
وهى أيضا تستطيع أن ترمى بلاها على الآخرين بكل سهولة ويسر
وتستطيع بقدرة هائلة ان تخترق جميع القوانين دون ان يتم فصلها
كم هى عجيبة فعلا ... فالمفاجأة الكبرى..................
انها بعد كل ذلك لا تعاقب ولا تجازى ولا يتم فصلها
فهى مسنودة ولكن من مين الله وحده أعلم ( لا تسأل كثيرا ) فعرضنا هذا مغرى للغاية
كل هذا وأكثر بسعر متميز جدا
الكمية محدودة
لدينا منها اثنتان فقط هما سمسمة ونمنمة ( وما خفى كان أعظم )
فقط ارسل رسالة على الموظفة الخارقة دوت كوم
او على كوسة يا مصر دوت ايجى
أو اكتبلى فى ردك على التدوينة
فى انتظار رسائلكم

شعارنا
اللى له ضهر مينضربش على بطنه

وحسبى الله ونعم الوكيل
(( أفوض أمرى الى الله ان الله بصير بالعباد ))

هناك 47 تعليقًا:

بدراوى يقول...

قبل ما اقرا و اعلق

شوفى التدوينة ديه


http://ahmedelsabbagh.blogspot.com/2009/05/blog-post_30.html

ههههههههههههههههههههههه
اقريها
مشكلة بجد

سؤال لطلبة هندسة عن مقاييس بدلة الرقص !!!

بدراوى يقول...

النموذج ده زى الهم على القلب
و زى الكرشة على الكبدة
و زى المحشى بالسلطة

حاجة جميلة خالص

لا و الاجمل الرشوة اللى بقت قانون شغال ليل نهار

حتى لما المفتى قال ان صلاة المرتشى صحيحة

رسام كاريكاتير رسم رسمة
عبارة عن
موظف معلق يافطة على مكتبه
عزيزى المواطن ذهبت لأصلى من فضلك ضع الرشوة فى مكانها الصحيح

بسنت صلاح الدين يقول...

وانا اقول البطاله كتيره ليه و مش لاقيين شغل،اتارى عشان احنا من صنف "الغنى ربنا" ربنا على الظالم والمفترى

ادم المصرى يقول...

مش عارف اقولك ايه ولكن

لا يغير الله ما بقوم حتى يغيرو ما بأنفسهم

Mysara يقول...

وحسبى الله ونعم الوكيل
(( أفوض أمرى الى الله ان الله بصير بالعباد

خلاصة القول كله....

رؤية يقول...

اتمنى ان البوست دا ما يكونش بيعكس تجربة شخصية
وسمسمة ونمنمة مش عرض خاص ولا حاجة
دول ماليين البلد
لان ببساطة ما بقاش يشتغل غير المسنوديييين!!!

تحياتى

مامة مازن يقول...

يا نهار ابيض يا نونا بقى تغيبى وترجعى معبية كده اوعى يا دكتورة يكون حد داسلك على طرف
اما بقى لو كان قصدك يعنى النوعية نفسها ف ااااه الناس دى موجودة للاسف ربنا ينجينا منهم
نورتى مدونتك ومدونتى والمدونات الصديقة كلها

فتاه من الصعيد يقول...

على فكره انا محتاجه موظفه....بس احنا قطاع خاص.....وهخلصلك منها القديم والجديد باذن الله....لان مفيش كوسه فى القطاع الخاص
وربنا معاكى
دمتى بخير.....تقبلى مرورى

صوت من مصر يقول...

عندك حق
مفيش لزوم اقول اكتر من كده

nona يقول...

بدراوى

ههههههههههههههههههههههههههه
ههههههههههههههههههههههههههههه

حلو اوى الموضوع دة
فن ورقص وهندسة

nona يقول...

بدراوى
ههههههههههههههههههههههههههههه
ههههههههههههههههههههههههههه

الراجل رايح يصلى محدش يعطله

لا بس نموذج الموظفتين اللى انا كتبت عنهم اكيد ميعرفوش ربنا

شكرا ليك

nona يقول...

بسنت
ازيك وحشتينى خالص
انتى لسة بتسألى على البطالة
ربنا ينتقم من البعده

شكرا ليكى

nona يقول...

آدم
والقوم مش هيغيروا ما بأنفسهم

ربنا على الظلمة

شكرا ليك

nona يقول...

Mysara

اه مالناش غير ربنا فى الأول و الآخر

شكرا ليك

nona يقول...

رؤية

أنا فعلا حصلى موقف مع الشخصيتين دول
عملوا فيا مقلب
ولما اشتكيت قالولى معلش اصل فلانة تبقى بنت اخت فلان
وفلانة تعرف فلان

يعنى انا مثلا مش بنت حد ولا ايه

ربنا ينتقم منهم

شكرا ليكى

nona يقول...

مامة مازن
وحشتينى خالص والله

فعلا انا بمر بموقف دلوقت وربنا ينتقم من الظلمة
والنوعية دى موجودة فى كل حتة بس عندى احساس انه منتشرة فى شغلى اوى

شكرا ليكى جدا

nona يقول...

فتاة من الصعيد
هبعتهالك فوراااااا
بس اكتبيلى العدد المطلوب ودول هدية منى ليكى
ههههههههههههههههههههه

شكرا ليكى

nona يقول...

صوت من مصر

مفيش غير حسبى الله ونعم الوكيل

شكرا ليك

مامة مازن يقول...

يا نهار ملوش ملامح بتمرى بموقف لالاللالا
دا احنا نتعلم دروس بلطجة من على علوكه واشرف كخه ونجيلك على طول هو انتى شوية واللا ايه هما ميعرفوناش واللا ايه
ربنا يهد الظالم يا حبيبتى

nona يقول...

مامة مازن
ههههههههههههههههههههههههه
ههههههههههههههههههههههههههه
هههههههههههههههههههههههههههه

لا ميعرفونيش
يلا هاتى اللى معاكى وانا هجيب اللى معايا ونوريهم النجوم فى عز الضهر
هههههههههههههههههههههه

شكرا ليكى يا سكر

Soul.o0o.Whisper يقول...

السلام عليكم و رحمة الله و بركاته

ازيك يا نونا

أخبارك؟؟

يارب تكون الشحنة خلصت
:)

بصى مش هأقولك طبعا لازم نشتكيهم و نعمل و نسوى

لأن طبعا الوضع لا يخفى على أحد
خاصة ان كل واحد بيقول ياللا نفسى


المهم بس انك تحاولى ماتختلطيش بيهم
يعنى موقف الدفاع عن النفس فقط


و ربنا يبعد عنك كل شر يا قمر


دمتى بود

nona يقول...

Soul.o0o.Whisper
وحشانى والله ازيك

انا ماليش علاقة بيهم اصلا
دول مشاغبين مع الكل
بس انا على حق والكل عارف كدة والحمد لله انا واختى اللى حصل معانا المشكلة الكلية كلها بتحلف بينا وبتربيتنا واخلاقنا

بس علشان هما مسنودين اوى محدش قادر ياخد فيهم حق ولا باطل

ربنا ينتقم منهم ومن اللى ساندينهم


شكرا ليكى يا قمر

المعلم محمد صاحب المطعم - طعمية سخنة يقول...

علي فكرة
النوع ده في منه كتير اوي مش 2 بس
و انتشر في الاسواق
سامع ان الصين هي اللي واره

قولي حسبي الله و نعم الوكيل

نـــــــــــــور يقول...

ازيك يانونا ياعسل
كده مش تسألى عنى ؟
شاطره بس قاعده تعملى دعايات لموظفات فاشلات وخلاص؟
ادى اللى انتى فالحه فيه
سيبك يانونا من الناس دى نصيحه منى
لا تسألى ولا تحاولى تفهمى واذا قابلتيهم صدفه ماتحاوليش تدققى علشان ماتتعبيش

سلام ياقمر

Soma يقول...

لو ده موقف شخصي يبقي الله يكون في عونك

منهم لله اللي بالمنظر ده, وخدي موقف لو كل الناس سكتت دول هيزيدو.

وماتقلقيش هيقعوا في الاخر بس هيكون بعد فوات الاوان ربنا مابيسبش حق حد


تصدقي زعلت

akeed يقول...

ما اكثر هذه النماذج وحسبنا الله ونعم الوكيل لا كن الله يوزع الرزق كما يشاء ولن يستطيع ان يمنع احد من وصول رزقة له


تحياتى

البوست رائع

norahaty يقول...

متوافرة بنص التمن
عندنا اجيبلك كام؟

Sweet Violet يقول...

اللى فهمته من التعليقات "احم اصلى مريت على التعليقات بعد البوست ^_^ "

ان ده موقف شخصى مع النوع ده .. بجد الله يكون فى عونك

و على فكرة الغلط عمره مايستمر

و مدام انتى على حق يبقى تأكدى ان ربنا هينصرك ^_^

تأثير الفراشة يقول...

لا لا دى لقطة، بس انت متأكده إن اللى موجود منها إتنين بس ؟؟؟؟!!!!!!
ــــــــــ

حنقول إيه يا نونا غير "حسبنا الله و نعم الوكيل"، إنما ربنا سبحانه و تعالى يمهل و يهمل ، و فى النهاية لا يصح إلا الصحيح، و مهما كتر الغلط عمره ما هيكون صح

خالص تحياتى ليكى يا نونا
ربنا يعينك يا رب

شمس النهار يقول...

ماهي دي اصلا المبادء اللي كل الناس بتتعامل مع بعض بيها
علي المستوي الشخصي
مافيش اخلاص في اي حاجه انا والطوفان من بعدي
المهم انت عامله ايه بعد ده كله

yoyo يقول...

صباحك سكر يا نونا

هنعمل ايه بقى مش بقى فيه غير النوعيات دى سبحان الله
ناس بتقدر توصل و تخرب بكافة الطرق و الوسائل المباحة والغير مباحة
حسبنا الله ونعم الوكيل

انتى خلى بالك منهم وابعدى عنهم قدر المستطاع اصلهم زى الحية تلدغ و تجرى

ربنا يحفظك يارب
دمتى اختى بالف خير وصحة
تحياتى
يويو

الازهرى يقول...

طيب ممكن احجز اتنين
الاجازة شويتين وتبدأ
وبعدها الواحد يفتح مشروع

ويعينهم فيه
ونكبر بقى ونوصل لفوق
فوق قوى


تحياتى دوما

nona يقول...

المعلم محمد
ههههههههههههههههههههههههههههه
ههههههههههههههههههههههههههههههه

الصين هى اللى بقت ورا كل حاجة
حتى الفساد

شكرا ليك

nona يقول...

نور
أنا آسفة جدا جدا والله
الامتحانات بهدلتنى زى كل ترم
مكنتش بدخل نت غير قليل

معلش انا مقصرة معاكى ومع الكل والله
سامحينى

شكرا ليكى يا سكر وسماح بئا

nona يقول...

soma

المشكلة انهم كتير والوحد بيقابلهم فى كل حتة يروحها لما هيتجنن

شكرا ليكى يا قمر

nona يقول...

Akeed

النوعيات دى مبقتش كتيرة وبس
دى بقت متفحشة زى المرض الخبيث

ربنا يرحمنا منهم

شكرا للمرور

nona يقول...

norahaty

ههههههههههههههههههههههه
هههههههههههههههههههههههههه

لالا انتى كدة هتنافسينى فى السوق
وبعدين انا مش عايزة منهم
دة انا شاربة المر بسبب النوعية اللى ميعلم بيها غير ربنا دى

شكرا للمرور ومتجيش تبيعى المية فى حارة السقايين تانى
هههههههههههههههههههههههههه

nona يقول...

Sweet Violet

انا واثقة ان ربنا معايا علشان كدة مش قلقانة
بس انا مش هسيبهم الا لما يعرفوا ان الله حق

شكرا ليكى يا قمر

nona يقول...

نهى :

عندك حق مهما كتر الغلط عمره مهياخد شكل تانى ويكون صح فى يوم من الايام

شكرا جدا لمرورك يا سكر

nona يقول...

شمس النهار:
ازيك وحشانى والله

الناس مبقتش عارفة تميز بين الصح والغلط من كتر الغلط وكل اللى بيقولوه ( مالكل كدة اشمعنى انا)

انا كويسة والموضوع دة مش مأثر عليا لأن انا على حق والكل عارف كدة
وأنا مش ناوية أسكت الا لما أعرف الناس دى انهم مهما استمروا فى غلطهم فى ناس مبتقبلش الغلط دة

شكرا جدا لحضرتك ولسؤالك

nona يقول...

YOYO
على رأيك معدش فى غيرهم فى الدنيا الا من رحم الله

ربنا يبعدنا عنهم

شكرا لمرورك يا قمر

nona يقول...

أزهرى
هههههههههههههههههههههههههههههه
هههههههههههههههههههههههههههههه
ههههههههههههههههههههههههههههههه

دة انت هتطلع لفوق اوى وبعدين تنزل نزلة بقى مقولكش ههههههههههههههههههههههههه

هبعتهملك دليفرى من عنيا
وافتكر انت اللى طلبت
ههههههههههههههههههههههههههه

شكرا ليك جدا

mahasen saber يقول...

نونا هؤلاء الحيزوبنات الزوبنات لدى انعدام الاخلاق وندرة المبادئ كتروا يا اخوتى وزى الهم على القلب

عارفه انا هتشل لو بس بس بس بس
مخادوش عقابهم او على الاقل حاسوا واتوجعوا من ضميرهم يعنى ده فى حالة ان وجد

هو مجال الشغل ده بينجح فى انه يورينا اصناف عجيبه وغريبه من البشر والا بشر والنص نص

mahasen saber يقول...

نونا هؤلاء الحيزوبنات الزوبنات لدى انعدام الاخلاق وندرة المبادئ كتروا يا اخوتى وزى الهم على القلب

عارفه انا هتشل لو بس بس بس بس
مخادوش عقابهم او على الاقل حاسوا واتوجعوا من ضميرهم يعنى ده فى حالة ان وجد

هو مجال الشغل ده بينجح فى انه يورينا اصناف عجيبه وغريبه من البشر والا بشر والنص نص

mahasen saber يقول...

جيت متأخره معلش مواصلات بئه

وبعدين ده بيتى نسيتى ولاا ايه

وسعى من على الكنبه دى بتاعتى

nona يقول...

محاسن
يامنورانى فى كل حتة
يا عملالى زيطة ومسيطانى فى الحتة

هؤلاء الحيزبونات فى طريقهم للعقاب بس قولى يارب

nona يقول...

محاسن تانى

معنتيش تيجى هنا تانى
متبئاش الكنبة كنبة ابويا
محاسن تيجى تقعد عليها

هههههههههههههههههههههههههههه