الثلاثاء، 16 يونيو، 2009

النوع فى شهادة الميلاد : ذكر

ضع علامة √ فى المربع 

عينى عليك يا زمن بقيت ماشى بالشقلوب البنات بقوا رجالة والرجالة بقوا ...؟؟؟؟


لقب راجل بقى يطلق على قلة قليلة جدااا

أنا شايفة ان دى ظاهرة بجد صدقونى هى ظاهرة اصبحت منتشرة جدا بشكل مخيف .. ان معظم شباب اليومين دول معندهمش شخصية غير على أنفسهم أو ما ملكت أيمانهم اللى هما اما زوجاتهم أو اللى مرتبطين بيهم انما معندوش شخصية حتى انه يدافع عن حياته من التدمير .

المشكله ان كل شاب من دول لما بييجى يخطب تلاقيه داخل على العروسة دخلة مستر X على العصابة كدة

شخصية ايه وكلام ايه

تلاقيه قاعد ملو هدومه طول بعرض

تشوفوه تقولوا فارس الأحلام اهوه اللى هياخدها على الحصان الابيض فى زمن مفيهوش حصنة

بيشعلقها فى حباله الدايبة ولا يبان عليه

ولما مامته تغمزله بعينيها يقوم بتنفيذ المراد أيا كان

انا طول عمرى اعرف ان البنت هى اللى دايما ضعيفة وبتسمع كلام مامتها ودة كان سبب الخلافات زمان بين الزوج والزوجة

انما اول مرة فى حياتى اسمع عن راجل بيسمع كلام مامته فى خراب بيته

محدش فينا مختلف فى ان سماع كلام الام واجب وضرورى ولا حتى انا مختلفة فى كدة

بس فى أمهات عندها التدمير هواية

هل يصح انه يسمع كلامها فى خراب بيته وتشريد ابنه؟؟؟؟؟



تعددت القصص والنهاية واحدة :

بنت اتجوزت وخلفت واطلقت وبعد ما انجبت طفل بعد سنة واحدة لمجرد ان الأم الفاضلة قالت لابنها طلقها يا ( فلان) .

الزوج وهو واقف الحقيقة مأخرش طلب قالها انتى طالق

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مش حتى يستنى يشوف فى ايه ولا يحاول يصلح لو فى خطأ من اى ناحية زى مالبشر بتعمل علشان الطفل البرئ حتى بلاش علشان العشرة


واحدة اتطلقت علشان مسمتش بنتها على اسم حماتها

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يرضى ربنا دة

واحدة اتطلقت علشان حماتها معذباها فى الشغل ولما قامت الزوجة بضرب ابنها عقابا على حاجة عملها حماتها قالتلها سيبى الواد ردت الزوجة من قهرها و قعدت تبكى وقالتلها سيبينى فى حالى حرام عليكى

ممكن تكون كلمة تقيلة على الحما بس الناس بتزعل وبتصطلح تانى عادى يعنى

واحدة حماتها بتدخل فى شئونها الخاصة هى وزوجها لدرجة ان الحما بتأمر ابنها امتى يروح لمراته وامتى ميروحش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وطبعا الزوجة بتغضب كتير عند ابوها بيوصل الحال بيها انها تقعد عند والدها سنة كاملة وعند زوجها شهر واحد وهكذا الا ان توفت الحما

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

العينات كتيرة جدا من الحموات الفاتنات دى ومن الزوجات المطلقات بلا ذنب ومن الأطفال المشردين بين ام مطلقة واب ضعيف مش قادر يدافع عنهم

هناك 59 تعليقًا:

مامة مازن يقول...

نونا كيف حالك يارب تكونى فى احسن حال
والله يا اختى دى خيبه قوية وناس ما تعرفش دينها كويس الاسلام قال رضا الوالدين واكرامهم وقال ابغض الحلال عند الله الطلاق لكن الناس خلطت الاوراق ببعضها وهدموا بيوت تحت شعار رضا الوالدين كده يبقى مش رضا ده يبقى هدم بيت كده يبقى استهتار بالحياة وبالاطفال كده يبقى رجل ملوش طعم ملوش معنى مش عارف ياخد قرار فى حياته مش عارف ايه يرضى ربنا وايه يغضب ربنا

عاشقة الأحزان يقول...

السلام عليكم

حبيبتى الغالية نونا

بجد احيك على البوست اتكلمتى فيها بمنتهى الوضوح عن المشكله دى

ربنا يهدى لينا الاحوال ويهدينا للطريق الصح

تقبلى تحياتى واعجابى بالبوست
اختك
ايناس

yoyo يقول...

صباحك سكر يا نونا

اخبارك ايه ؟!
يارب تكونى بالف خير

و الله انت اتكلمتنى فى موضوع انا دايما بتكلم فيه ان مش كل واحد مطلوب له فى البطاقة ( ذكر ) بيكون راجل بل على العكس فى بنات ب 100 راجل
و فى راجل واخدة اللقب بس و خلاص
الراجل لازم يكون له شخصية مش يكون زى ما احنا بنقول كدا ابن امه
طبعا طاعة الام واجبة بس مش تخرب عليه و تدمر حياته و يقول اصلى لازم ارضى امى سبحان الله طيب هو انت فين رايك ولا فين شخصيتك ؟!
اعتقد انه من الاول بيكون فى خطا فى التربية عشان كدا الولد بيطلع ضعيف الشخصية ومش بيعرف ياخد اى قرار
اتعود انه ينفذ من غير اى تفكير او حتى نقاش مجرد تنفيذ
انا لا ارضى سوى بالراجل الكامل بمعنى الكلمة بعيا عن انصاف الراجل او حتى من يحملون اللقب

لو الام فكرت بس الاول انها كدا بتغضب ربنا و بتدمر حياة ابنه و بينت الناس اللى مش لها اى ذنب الا انها ارتبط براجل ابن امه و بس
ربنا يهدى الحال يارب

تسلم وتسلم ايدك يارب
تحياتى
يويو

Soma يقول...

ازيك يا نونا

والله الراجل راجل والست ست بس في ناس عديمه الشخصيه وفي ناس محترمه سواء راجل او ست.
بالنسبه بقي للحموات الفاتنات, فالمشكله في الراجل من الاول شافت شخصيته ضعيفه قدام مامته يبقي متكملش سنه واتنين.
هو سوء اختيار وسوء تربيه

تحياتي

Sweet Violet يقول...

لا فى من النموذج ده كتير للأسف

و ده اصلا واحد ماعندوش اى احساس بالمسئولية ..نتيجة تربية غلط من ام متسلطة

بدراوى يقول...

ازيك يا دكتورة

بقول ايه صديق ليا
بيقولى

يا اخى فيه عيادات لعلاج امراض الذكورة
بس مفيش لعلاج امراض الرجولة
--
بخصوص الحما
لو حضرتك قريتى كتاب حماتى ملاك
لأستاذة سحر غريب
حتعرفى كويس اكثر

موضوع ممل اوووى التدخل ده

بدراوى يقول...

اه صحيح
انا حسيت فى حضرتك
نبرة حزن عالية فى تعليقك
على اخر بوست ليا

يارب تكونى حضرتك بخير

ديالا يقول...

فعلا والله مبقاش في رجاله وربنا البنت مننا اجدع ميت مره من اي ولد وتعرف تفرق كويس بين الصح والغلط وازاي تقف في اي موقف وقفه رجاله

يلا معلش ربنا يعوض علينافي الرجاله

safa7_karmooz يقول...

هههههههههههههههههههههههههههههههههههه

حلوة طريقة العرض..

بس الناس دول معندهمش شخصية للاسف ...حاجه راجعه من زمان وهما نونو كده فى تربيتهم بقوا منطويين وات ايفر يعنى

سيبك منهم

لسه فيه رجالة :D

فتاه من الصعيد يقول...

رجاله اخر زمن
المفروض يكون ذكي يرضي امه ومراته.....ولو ياخد باله من تصرفاته ما كنتش امه تغير من اهتمامه بزوجته.... ولا زوجته تزعل امه وكانت تاخدها على قد عقلها
بس في موضه الايام دي وهي ان الحمى اى ابو الزوج بيتحكم هو كمان وفي ادق الخصوصيات

لاسع افندى يقول...

ده بيرجع لشخصية الراجل وتربيته من الاول والمفروض الفتاه تدقق فى الاختيار من الاول اذا كانت تخشى من لقب مطلقه


تحياتى على البوست الرائع

المعلم محمد صاحب المطعم - طعمية سخنة يقول...

فكرتيني بفيلم ظاظا هههههههههههههه
في فعلا حاجات زي دي بس كنت بشوفها في الافلام و بس !

و العيب في مين !؟ طبعا في الزوجة ! مش هي اللي بتنكد علي حماتها !lol

هم يضحك و هم يبكي !

أحمـــــــــــــد أبو العلا يقول...

لااااااااااااا

اسمحيلي وبشده اقول ان اللي بتتكلمي عليهم دول اصلا معندهمش رجوله ولا حكمه ولا عقل ولا هيعرفوا يعيشوا اصلا لا في زواج ولا غيره

الرجل مسؤل عن امه وعن زوجته
لو ظلم اي واحد فيهم هيسأل عنه

ربنا يعافينا

Bola 7elmi يقول...

اولا ازيك نونا :)

تانيا.
ايه طلقها يا فلان يقوم مطلقها ؟؟!!

دا راجل دا ولا كيس جوافه
دا زوج دا ولا قرطاس لب

هيا الحما بتكون أويه بردو .. وابنها ميتقلش عليه غير عديم الشخصيه و هزوء .

يارب اوعدني بـ حما طيبه .. دنا والله غلبانه وجوزي يبقى كدا راجل راجل
يارب حماتي تكون لي بلسم يارب
ويارب يوعدك انتي كمان بحما سكرا زيك :)

انا جايه ادعي عندك ف بلوجك وانتي قولي آمين :|

:S

سلامي ليكي نونا :)

بسنت صلاح الدين يقول...

اه يا اختى والله فى عينات من دى كتير اوى من ابن ماما ده هى الطاعه واجبه بس برضه حتى يتناقش ،يحل الموضوع، يعمل حاجه، مش يسمع كلام الحاجه علطول كده بدون تفاهم و خصوصا فى خراب بيته و فراقه هو و مراته و حبيبته،مقدرش اقول للنوعيه دى غير ....روح يا حبيبى ماما بتنده عليك ههههههههههههه

ادم المصرى يقول...

ماما اخبارك ايه؟

اولا كلماتك ذكرتنى بشيئ هام

وهيه روايه عن ستنا عائشه رضى الله عنها

قالت اختلفت انا ورسول الله صلى الله عليه وسلم

فى امر فأتى رسول الله بأبى بكر رضى الله عنه

فقال لهو الامر فرفعت عائشه رضى الله عنها صوتها فى صوت رسول الله صلى الله عليه وسلم فلطمها ابوها ابى بكر الضديق

فصار فيهى رسول الله صللى الله عليه وسلم

وقال والله يا ابى بكر ما لهذا اتيت بك

هوا ممكن يكون الموضوع ده غير ده بس انا مش عارف ليه ربط بين الاتنين

هانى زينهم يقول...

اولا اسف التاخير بسبب الامتحانات وثانيا بقى العيب مش فى الحما ما فيش واحدة هتحب بيت ابنها يتخرب العيب يا فى الزوج يا فى الزوجة لو هى اتعاملت مع حماتها على انها امها مش هيبقى فى مشكلة . تحياتى

اعشق فى الليل ضوء القمر يقول...

كلمه ذكر تطلق على كل ما هو له الخصائص البيلوجيه المعروفه لهذا الصنف
فيه امثله كثير بتقول ما معنى الرجال
بس حسيت إنك أخصائيه نفسيه إنت بتجمعى حالات ديه و بتعرضيها
انا واحد كنت خاطب ووالدتى قالت لى سيبها متنفعكش عارضتها و فضلت مع خطيبتى
ولقيت بعد كده كلام امى صح
إتبهدلت معاهم جامد جدا
هتى البنت نفسها إللى كنت بحبها و المفترض إنها بتحبنى لقيتها مع أهلها انا مش هحكى تفاصيل خلاص بقى ربنا يبارك ليها و يسهلها بس أوقات كثير بيكون كلامهم صح

غير كده ربا قال فى سوره يوسف فى أخارها
لقد كان فى قصصهم عبره لأولى الألباب
وعندنا مثل سيدنا إبراهيم لما قال لسيدنا إسماعيل أترك عتبه بابك و المره الثانيه امسك عليك عتبه بابك
غير كده انا معرفش التفاصيل ايه انا عشت تفاصيل كريه و الناس بتعرف تفاصيل تانيه
يعنى محدش بيعرف التفاصيل كويس علشان يقدر يحكم صح

تقبلى تحياتى

عمرو يقول...

كده نرجع تانى لمشكلة غياب القدوه الذكوريه ..
الذكر فى مراحل حياته الأولى بيحتاج لرجل بمعنى الكلمه مش بس بالاٍسم ليكون له قدوه فى سلوكياته و تصرفاته لكن للأسف الوضع تغير و غاب الأب اٍما جسدا أو روحا و تربعت الأمهات اللى هم فيهم أمهات متسلطات جاهلات و بقوا هم القدوه و المسيطرات على مصائر أبنائهم ..
القدوه يا سيدتى و غيابها هى سبب ما وصل له الحال ..
تقبلى تحياتى و تقديرى ..

afew good men يقول...

انا شايف ان رضا الام اهم بكتير جدا من كثير من الاشياء

كما اعلم تماما ان الام في كل الحالات تخاف علي ابنه ولكن مالا تعلمه النساء

ان الام لها حقا علي ابنها

فارجوكي لا تعتقد المرأة انها اشترت زوجا وتملكته

انت ومالك لابيك
وبالاحق لامك

عايزة تقوللي ابن امي قولي

بس اللي مش اسمح بيه ابد انك تقوللي جوز الست

ههههههههههههههههههههه

تحياتي

الموضوع متوقف علي شخصية الراجل من البداية مشمحتاج بقي يعمل فارس وبتاع

محتاج يعمل راجل

بس علي مراو مش علي امو

اوعي تنسي

وحضرتك لما تكوني ام حتفتكري كلامي تحياتي

afew good men يقول...

بر الوالدين من طاعة الله
وليست واجبة

Mysara يقول...

مع احترامي لرأي afew good men
لكن يعني ايه بر الوالدين من طاعة الله وليست واجبة؟!!

أعتقد يا نونا أن خير ما يقال هنا أنه لا طاعة لمخلوق في معصية الخالق..

كل انسان لديه عقل، بر والديك لكن ليس بر الوالدين في طلاق زوجتك، أنت لن تطيع أمك إذا قالت لك اكفر بالله مثلاً!!

ليس لأن بعض الرجال أخطئوا نكون حكماً عاماً.. ناهيكي عن أن هناك نسوة يستحققن حقاً أن يطلقن!!

في انتظار فضيحة جديدة يا نونا :)

nona يقول...

مامة مازن
ازيك وحشتينى خالص

كلامك صح
رضا الوالدين مهم بس مش فى التدمير

شكرا ليكى

nona يقول...

عاشقة الأحزان
اهلا بيكى

اصل انا لقيت المشكلة منتشرة بشكل يخوف اوى

شكرا لمرورك يا قمر

nona يقول...

يويو يا قمر
ازيك

كلامك مظبوط اكيد دة بيكون خطأ فى التربية وعدم تحمل الابن للمسؤلية بيخليه مش عارف ياخد اى قرار فى حياته

شكرا ليكى

nona يقول...

سومة

احنا نفسنا ان الجيل الجديد دة يكون فيه الراجل راجل والست ست

بس واضح ان المعايير اتقلبت

شكرا ليكى

nona يقول...

سويت
ازيك يا قمراية
اخبارك ايه

بردو كلامك مظبوط انا شايفة كدة بردو التربية هى أساس تكوين شخصية الفرد

شكرا ليكى

nona يقول...

بدراوى
ازيك وشكرا لسؤالك ربنا يخليك

صاحبك دة والله عنده حق
فعلا مفيش حد يقدر يعالج الرجولة
لان كلمة رجل تختلف عن كلمة ذكر

شكرا ليك

nona يقول...

ديالا
اهلا بيكى يا قمر

انا شايفة كدة بردو ان البنات بقوا اجدع من الرجالة
والرجالة مش كلهم اكيد يعنى بقت ضعيفة

شكرا لمرورك

nona يقول...

سفاح كرموز

اهلا بيك
اسبنى منهم ازاى وانا كل ما اتلفت الاقى قصة عجيبة

شكرا للمرور

nona يقول...

فتاة من الصعيد

ازيك يا قمر
الحمى كمان بئا ليه دور فى تدمير البيت؟

لا حول ولا قوة الا بالله

شكرا لمرورك

nona يقول...

لاسع افندى
اهلا بيك

كلامك متفق مع معظم الردود هنا ان الموضوع دة اصله التربية الخاطئة

فى بنات بتدقق خوفا من لقب مطلقة
وفى بنات بتقول اهو عريس والسلام

شكرا للمرور

nona يقول...

معلم محمد
انا مشوفتش فيلم ظاظا
بس العينات دى بقت كتير

وبعدين اشمعنى الست تبئا هى السبب فى كل حاجة يعنى
اذا كان الموضوع كله على الرجل ضعيف الشخصية

نورت

nona يقول...

أحمد ابو العلا

الشباب ظهرت عليه الاعراض دى
معظمهم بئا شخصيته ضعيفة لا عارف يرضى امه ولا عارف يرضى مراته

شكرا ليك

nona يقول...

عبلة
ههههههههههههههههههههههههه
هههههههههههههههههههههههه

ربنا يحققلك أمنياتك يارب
ويوعدك بواحد ابن حلال مش ابن انه

شكرا لمرورك

nona يقول...

بسنت
زعيمة المرأة المعاصرة
منورة يا سكر

دة مبيتناقش فى حاجة بيطلق علطول
ولا بيفتكر حتى ابنه

شكرا ليكى

nona يقول...

آدم

كلامك طبعا له علاقة بالموضوع
فى ان رسول الله الذى لا ينطق عن الهوى عايز يكرم زوجته حتى قدام ابوها

شكرا ليك

nona يقول...

أستاذ هانى
عود أحمد

يارب بس تكون الامتحانات عدت على خير

انا معاك فى كلامك
بس صدقنى بجد وعن ثقة
فى حموات عايزة بيت ابنها يتخرب

اصل انا عندى ييجى 10 قصص منها لاصحابى ومنها لجيرانى ومنها لقرايبى

شكرا ليك

nona يقول...

اعشق فى الليل ضوء القمر

لما مامتك تحذرك من حاجة فى خطيبتك وتطلع صح دة عادى

لكن التدمير لا

بالنسبة للحكايات اللى انا حكيتها انا عندى تفاصيلها بس لانها مش هتفيد حد مش هقدر انشرها

شكرا ليك

nona يقول...

أستاذ عمرو
ازى حضرتك

حضرتك صح وعندك حق فعلا
هو من الطبيعى ان الامهات هى اللى بتربى
بس المشكلة عدم تدخل الاب او القدوة الراجل علشان يقوم سلوك الابن ويخليه راجل بجد

انما الامهات طبيعى بحنيتها وخوفها على ابنها بتعلمه عدم تحمل المسؤلية وضعف الشخصية

شكرا ليك

nona يقول...

a few good men

رضا الام فرض اه

انما لما تخليك تطلق مراتك اللى منها ابنك اللى هيتشرد ويشوف الذل على ايدك وايدها
يبئا مش عادى ولا ايه؟؟؟

يعنى لو انت اتجوزت واحدة وجبت منها طفل ولسبب هايف مامتك قالتلك طلقها هطلق؟؟؟

مش هتفتكرلها اى حاجة حلوة تخليك تقف للحظة تفكر فى حياتك وحياة ابنك بلاش حياتها هى ؟؟؟؟؟

لا الزوج ولا الزوجة اشتروا بعض ولا امتلكوا بعض

بس لما الأمهات تتحكم فى حياة ابنها ربنا هيحاسبها وهيحاسب الزوج اللى من المفترض انه راجل
من المفترض انه حماية للزوجة لان طبيعى عمر الحماه محبت مرات ابنها

فى فرق بين جوز الست وبين ابن امه
مش معنى انك تحمى مراتك وتغفرلها خطأها وتوازن بينها وبين مامتك انك جوز الست

nona يقول...

Mysara

انا معاك فى كلامك جدااا
انا قولت كتير لصاحب الاجنحة المكسورة
يمكن معرفتش اعبر زيك

كلامك هو المضمون

شكرا ليك

akeed يقول...

السلام عليكم

فعلاً الامثلة كثيرة جداً من هذه الخلافات و هو ينتج عن ضعف شخصية الزوج و الضعف هنا لا اقصد به ان شخصية الزوجة اقوى منه لاكنه لا يستطيع ان يزن الامور بميزان الحكمة و ان يستطيع ان يكون حيادياً لا يظلم زوجته و فى نفس الوقت لا يعق امه و يجب ان تكون الزوجة على درايه بذلك و ان لا تضع الزوج فى حيرة بين ارضاء زوجته وطاعة امه و طبعاً المفروض ان لا يطيع الام فى الباطل و الظلم .

فدخول الزوج الى الجنه بطاعة امه ودخول الزوجة الجنة بطاعة زوجها و بالتبعيه فالام مهم ان تحسن علاقتها بها و تتجاوز عن بعض الامور البسيطة و سيشعر بها الزوج ويزداد تقديره لزوجته .


البوست رائع والكلام لا ينتهى عن ذلك الموضوع .


دمتى بالف خير

تحياتى

ياسر سليم يقول...

والله دا انتى فرحتينى ان فى ناس لسه كده بيسمعوا كلام امهم

انا كان فى اعتقادي وكل القصص اللى كنت بسمعها العكس

على اهمال الأم فى مقابل الزوجة .. وان الزوج يكش من زوجته وما يزورش امه عشان يرضى مراته

لكن معنى كده ان فى ناس لسه بتبر امهاتها ويطلق زوجته بمجرد ان امه تقوله .. زى ما سيدنا ابراهيم قال لسيدنا اسماعيل غير عتبه دارك
ففهم ابوه وطلقها علطول

وانا شايف ان الانسان لازم يبقى متوازن .. ما يجيش على حد فى مقابل حد تانى .. لا يظلم امه ولا يظلم مراته

وأحب أقولك انك لما تبقى حماة .. نظرتك هتختلف للموضوع

تحياتى

بسمـــة مســـــلّم يقول...

hالسلام عليكم ازيك يا نونا يا بنت بلدى اول مرة ازور مدونتك الجميلة دى وكلامك اعجبنى بسخريته بس يا ترى كلامك عن تجربة فعلا سلاااااااامى ومنتظرة زيارتكhttp;//kamarelsahafa.blogspot.com

كاتب مصري يقول...

أنا قرات اسم المدونة دي قبل كده بس دخلتها النهاردة عن طريق مدونة الأستاذة محاسن صابر
بجد انت أختها
ربنا يارب يكرمكم جميعا .. ما هو العقول لازم تكون عظيمة زي بعضها

هقرا وأرجع باه
خالص تحياتي

mahasen saber يقول...

هو فيه احسن من طاعة الوالدين

ساعات كتير بندم انى شرت عليكى بشورة المدونه دى
قيلها كنتى علطول بتسألى عنى وبنتكلم افضل من كده

يا ريتنى ما قلتلك بلاش فضايح
يا ريت كان لسانى اتعوج قبل ما ااقولهالك

يا خسارة الفريندشيب يا ناس

كلام فارغ اوى يقول...

يا ماما اخر راجل مات في 73
يعنى معتش فية
الرجاله كانت ايام الحر
دلوقتى الاسم بيدل
والشكل
والنوع في البطاقه
غير كده
نوووووووووووووووو
انا اعرف واحد كل اما يعجب بعروسه يقعد يفكرررررررررررر
ليه؟
قال خايف يتصادر على رايه
اخر الزمن والله

mira يقول...

ياه ..انتى اتكلمتى فى قضيه مهمه جدا
موضوع الناس عايشه فى وبيعانوا منه كتير بصى انا هاقول على نماذج انا شخصيا شوفتها
واحدة كانت فى مشاكل مع جوزها كل يوم ضرب واهانه وبطلنا نسمع دة بعد ما مامته توفاها الله
وفى حاج تانيه غريبه اوى واللى لسه سمعاها امبارح واحدة اعدة مع حماتها وكل يوم اهانه وضرب وخدمه وبهدله وغضبت عند ابوها سنه وبعد ما تم الصلح
رجعت وفرحت اوى لسه بسأل عليها امبارح سمعت ان حماتها واخت جوزها كل كام يوم يرحوالها البيت يشتموها ويبهدلوها فى غياب جوزها طبعا ويقولوا
لها لو قلتى لجوزك هانيجى نضربك قال يعنى راجل وهايدافع عنها بلا ارف ما هو السبب سيبك من الموضوع دة بقى احسن الواحد نفسيته بتتعب من الناس
وظلمهم وبنا يعين كل واحد على حياته
معلش طولت عليكى
تحياتى ياقمر

Hadota ... حدوتة يقول...

ازيك يا جميلة

بداية: انا سعيدة جدا بمرورى بمدونتك الجميلة دى


ثانيا بقة : البنت اللى بتحط نفسها فى المواقف دى بيكون سوء اختيار من الاول


بيبان اوى الولد اللى بيسمع كلام مامته وضعيق قدامها من الخطوبة
وبتبان اكتر الحما القرشانة اللى تحب تخرب البيوت

انا كنت زمان اسمع ان جوازات باظت بسبب اهل العروسة رفضوا الولد عشان امه او ابوه طبعهم شديد

بس بعد ما قريت البوست بتاعك دا عرفت ليه


الحل : ان البنت وهيا لسه بتختار شريك حياتها تختار الرجل الصح اللى يقدر يحميها

صدقينى صوت العقل لو اتفوق على صوت العاطفة الحياة بتنجح جدا


تحياتى معلش لوكنت طولت عليكى

Me7'o يقول...

ههههههههههههه
والله عندك حق
بس أنا متهيألى إن ده بيبقى حب زيادة من الأم لابنها ومش متخيلة إن هيروح ينام فى حضن واحد تانية غيرها
يعنى من الآخر دى طبيعة الأنثى
بس فيه حموات بيستهبلوا الصراحة بيسوؤا فيها وبعد ما بيحصل الطلاق لا قدر الله تلاقيها بتعيش حالتين
ساعة فرحانة علشان إنتصرت على إمرأة أخرى وساعة حزينة لو لقيت ابنها عنده دم وزعلان
إنما بقى لو معندوش دم وطبعاً هايكون ضعيف الشخصية علشان يخلى أمه تعمل فيه كده يبقى مراته أرتاحت منه وكده أحسن لها

هييييييييييييييه
دونيا

E73 يقول...

بسم الله الرحمن الرحيم
السلام عليكم ورحمة الله وبركاته

إلا من رحم ربي
ربنا يهدينا جميعا يا رب

بجد مدونتك مشوقة

انا شكل يوم سعدي النهاردة وشفت كذا مدونة مشوقة

يارب اكون من متابعينك

شمس النهار يقول...

رضا الوالدين فرض ولكن مش عمال علي بطال كده
هو مرض نفسي جديد من ضمن الامراض النفسيه الجديده علي المجتمع

الست الشاطره هي اللي لما تلاقي الدنيا كده ماتحطش نفسها في الدوامه دي
تحاول تتفادا الصدام او حتي تحط نفسها في وسطهم
دايما تحاول تكسبها في صفها
بصراحه الموضوع معقد
ربنا يهدي

صدفة جميلة يقول...

السلام عليكم ورحمة الله وبركاته
اولا لا تلقى بالوم كله على الشباب فالسبب مشترك لو البنت احسنت الاختيار مبصتش للنواحى الماديه والحاجات دى لو بنت تعرف تميز بين الانسان والاخر لو البنت بتفكر كويس لو ولو ولو كانت عاشت فى سلام
كمان الحمه دى ام ثانيه لو عشتى على المبدء دا صدقينى كل الناس هاتستريح
عامل تعامل وكما تدين تدان وانتى فى يوم هاتكونى حمه وصدقينى زى مابتقول الامثال سلف ودين فياريت لو كل بنت تخالى بالها وتفكر كويس اكيد هاكون سعيده العيب ان كل بنت من قبل ماتتجوز اعوزه شقه خاصه وعاوزه وعاوزه هى من الاصل رفضه تعاشر السيده دى لكن لو قربت منها وعرفت طبيعة السن وتغيراته وعرفت وتعلمت هاتعزر وهاتعيش وزى محضرتك زكرتى الجانب السلبى من الحموات فهناك حموات امهات بجد بل اكثر ولكل قاعده انستى شواذ الموضوع كبير وانا لو اتكلمت مش هاتكفينى الكلمات
كل الممكن اقوله الصبر الصبر واعتبرها ولدتك وارحمى زوجك مش تشكى وتتذمرى من كل حاجه لو بجد عاوزه تعيشى
مستنى زيارتك

ذو الوجه المبتسم يقول...

السلام عليكم
الموضوع مفيد وبجد جامد
كل واحد فينا بياخد الموضوع من وجهة نظره الخاصة
منا بيعتبر الراجل بن امه وبيقوله عليه مش راجل .. ومنا بيحط له العذر هيرضي مين على حساب مين .. ومنا بيقول عليه عاق لوالديه
المهم ومن وجهة نظرى المتواضعة
ان الرجل لابد ان يكون رجل على الاقل في بيته وصاحب قرار .. ولا يسمع لكلام امه ولا زوجته
يحاول يحل كل مشاكله بنفسه
ويقرر مصيره ومصير اسرته اللى هى مراته واولاده
مكذبش عليكى لو قلت لك تقريبا 100 % من الازواج بيمرو بكل المشاكل دي
وانا اولهم
لكن المهم الحل الصحيح

تحياتى

المعلم محمد صاحب المطعم - طعمية سخنة يقول...

نونا ! ساعات برضه بيقي في ستات بتحط العقدة في المنشار و متعرفش تسايس امورها

موجود عينة الرجالة ضعيفة الشخصية و الستات برضه ضعيفة الشخصية زي فيلم الشقة من حق االزوجة !

و موجود عينة اللي بيحطوا العقدة في المنشار برضه من الجنسين

اسماء جمعه بنت الشمس يقول...

السلام عليكم ورحمة الله وبركاته

ازيكم ازيكم انا جايه اعلق عندكم
يا كسوفى يااانى اقول ايه بس
كلام جميل كلام معقول
بس لازم اقول كتير عنه

اولا النموذج ده موجود فى مجتمعنا مووت
ابن مامته
يخليك لامك يا حبيبى
فعلا لقب الراجل ملوش مكان غير قليل قوى
فاكرين ان الرجوله بعلو الصوت والعند فى القرارات
واللى تقوليه عكسه هو الصح
وكلام ست الحبايب يمشى

دى مشاكل تخرب البيت
بس ايه السبب الى وصل لكده
من البدايه التربيه
الام ربت ابنها انه ميعتمدش على نفسه ويعتمد عليها فى كل صغيره وكبيره

كبر وساب نفسه على هذا الحال لأنه مش يعرف ان ده غلط لأنه اتربى كده بالطريقه السلبيه دى

البنت شايفه ضل راجل ولا ضل حيطه
واهو اى حاجه والسلام قبل ما نعنس

او تبص للفلوس
وفى النهايه هى اللى بتدفع التمن

هنيجى بقا للام الام وهى بتجوز ابنها بتحس انها بتمن على العروسه يعنى بتديها صدقه
ولازم كل يوم تبوس الايد عشان ترضى الحجه
احساس الام بالغيره ان فى حد تانى ممكن ياخد اهتمام ابنها

ومش معنى ان ربنا امر بالبر للوالدين اننا نسمع كلامهم فى كل شئ
لأننا من الواجب علينا طاعتهم فى غير معصية ربنا
والظلم من اكبر الكبائر اللى يرتكبها الانسان
انا ممكن اوفق بين امى ومراتى واكون صلة الخير بينهم بدون ما اخرب بيت

والام لازم يكون عندها الوعى ان بيت ابنها مكان مقدس له حرمته
ليها حق فيه بس بحدود

وحياته لا تتدخل فيها بغير الخير والخطا واقع فى النهاية على تربيه الام لبنتها وابنها
وكله بيصب فى بؤرة واحده
والمشاكل من دىىىىى كتير ومش بسمعها بس لا بشوفها بعينى
وشكراااا

ghorBty يقول...

السلامـ عليكمـ

حاجه تحزن والله

الواحد مبقاش عارف الزواج بقا بدايه حياه والا نهايه حياه

بنسمع كتير وبنشوف اكثر والعقده بتكبر جوا الواحد يوم بعد يوم ..

مرة قراءت بوست كاتبه صحبته (لما تتفطم ابقي تعالي اتجوز ) وعندها حق بس شكلها كدا اكتر من نصف الرجاله لسه ما تفطموش وربنا يستر ..

مدونة جميله .. ربنا يبارك فيك ..

Mo2M3N-MiLo يقول...

السلام عليكم
عندى تعليق صغير اوى
على الكلام ده
معليش انا شاب و ممكن انفعال شوية
ومش هعمل مستر X ولاه حاجه بس
معليش انا ابوى فى البيت مش ضعيف بل بل العكس شخصيته قوية جدا
وخدى بللك احنا كده كده لوحدنا بتخد الكبار عبره لينا
حته لو مش بمزجنا حاجه لوحده بيخلك تقلديهم
والصح اللى ولدى بيقولوا ليا
انك عشان تبقا راجل البيت يا مؤمن
لزم مراتك تعد فى البيت وانته اللى
تكون ماسك كل حاجه و تحترامه احترامه
لو احترامته هتحرمك وحسسها بنفسه
حسسها انك خايف عليه
وادينى ادمك اهو شوف سنى اد ايه بس انا مش هعشيللك
اعدت افكر فى الكلام ولقيت عندوا حق
بس خدى بللك على حسب نوع الرجل
اللى فى البيت اللى بتقولى عليهم
راجالت البيت اساسا الستات من راجل البيت
وكفاية كده عشان انا فضحت نفسى