الاثنين، 16 مارس، 2009

.....لما يبئا حاميها مولع فيها.....

ضع علامة √ فى المربع 


مش قادرة افهم يا حضرات ازاى المسئولين يسمحوا بكدة
لما تكون مديرة مدينة كلية بنات ماتنفعش تاخد المنصب دة ...


تاخده لييييه؟؟؟

بنات المدينة اشتكوا كذا مرة من المديرة اللى بتقوم بعمل أشياء غير مشروعة مع بنات


المدينة والشكوى كانت بتمر مرور الكرام على المسئولين عن المدينة والكلية التابعة ليها


والجامعة على بعضهاممكن نقول ان المسئولين مش عارفين ياخدوا ضدها قرار لعدم وجود


الشهود بشكل رسمى لأن المديرة بتهدد البنات والموظفين ان اللى هينطق هتطلع عليه ان هو


اللى كدة مش هى ...دة حرام ولا حلال

ولما بعض الموظفات شافوها كذا مرة فى وضع مخل مع بعض البنات الملازمين ليها بشكل


مستمر انقسموا لقسمين بعضهم اعتبر كأن شيئا لم يكن وقالوا ( وانا مالى) والبعض الآخر


ضغطت عليهم لغاية لما سابوا الشغل وقعدوا فى بيوتهم

بلاش الموظفات اللى اتظلمت وبلاش البنات اللى خايفه على مستقبلها ولا خايفة تتشرد بعد


متزنق عليها وتطلع من المدينة

المسئولين ساكتين ليه مع ان ريحتها فاحت وفاحت

لما يكون البنات خايفين يشهدوا عليها لتتبلى عليهم وتسوأ سمعهتم

فين الأمان هنا

دول بنات يا عالم

كل اللى له بنات يتقى ربنا ولما يشوف وضع زى دة ينطق

حسبى الله ونعم الوكيل....

هناك 7 تعليقات:

قوس قزح يقول...

لا طبعا مش يسكتوا
لو كان المسئولين عن الكلية ساكتين
البنات تبلغ عنها البوليس
وحتى لو البوليس معملش حاجة بس الست دى هتخاف و تلم نفسها و كمان البنات هتتشجع تقدم بلاغ

تحياتى

nona يقول...

شكرا على المرور جدا
وعلى المشاركة
نورتينى

mahasen saber يقول...

والله يا نونو االزمن والمعايير احتلت

والقيم الاخلاقيه بقت مش موجوده

والدين للاسف اختزل فى حجاب بس


يا نونو يا ام مواضيع جامده

nona يقول...

لا طبعا مش يسكتوا
لو كان المسئولين عن الكلية ساكتين
البنات تبلغ عنها البوليس
وحتى لو البوليس معملش حاجة بس الست دى هتخاف و تلم نفسها و كمان البنات هتتشجع تقدم بلاغ

اصل يا داليا المديرة مخوفة البنات ومفهماهم ان لو بنت اتكلمت سمعتها هتبوظ
انا كان نفسى البنات يكونوا اجمد من كدة

nona يقول...

نورتى يا محاسن
عندك حق
الاسلام بئا مجرد حاجة بتتكتب فى شهادة الميلاد والاوراق الرسمية بس

ربنا يعافينا جمعيا

مامة مازن يقول...

مش ممكن دى مصيبة دى
ربنا يستر علينا وعلى بناتنا
وازاى يسكتو ده عرض وشرف

nona يقول...

مامة مازن..
الدنيا بقت تخوف والله
ربنا يسترنا فوق الأرض وتحت الأرض ويوم العرض عليه

شكرا ليكى