حلمت بيك

 

 

على فكرة أناااا...

 حلمت بيك ..

حلمت انك واقف بعيد ..

 وعلى فكرة بردو ..

 الحلم دة ماهواش جديد ..

حلمت انى بعزم صوتى عمالة بـ أنده ..

مانتاش سامعنى ..

و لا شايفانى ..

 ولا عندك استعداد تبص ..

 حلمت انك معاك مقص ..

 قطعت بيه كل الخيوط ..

حلمت انك اخطبوط ..

 وحلمت بردو بواحدة تانية ..

واقفة تتمنى اهتمامك ..

نفسها تحنلها ثانية ..

 ولا انت حاسس غير بنفسك ..

وحلمت انى ناسية الزعل ..

و كأن لسة عندى أمل ..

وفضلت أبكى لما اتهريت ..

 فجأة ....

.

.

 صحيت ..

أول حاجة عملتها ...

 على خدى دمعة مسحتها ..

و رجعت افكر فى الحلم تانى ..

 مبقتش عارفه تفسيره ايه ..

و بصراحة كنت خايفة افسره يصدمنى بيه ..

 بس كان كل اهتمامى ..

انى ارجع انام من تانى ..

 يمكن احلم من جديد