الامتحانات على الأبواب أهيه من يوم الأحد هنبدأ امتحانات التخلفات وبعدها عدل امتحانات آخر السنة ويمكن لفترة طويلة مقدرش ادخل المدونة دعواتكوا بس ربنا يعدى الأيام دى على خير أحسن بتبئا أيام ميعلم بيها الا ربنا
ونتقابل على خير
---------------------------------------------------------------------
مش قادرة افهم يا حضرات ازاى المسئولين يسمحوا بكدة
لما تكون مديرة مدينة كلية بنات ماتنفعش تاخد المنصب دة ...
تاخده لييييه؟؟؟
بنات المدينة اشتكوا كذا مرة من المديرة اللى بتقوم بعمل أشياء غير مشروعة مع بنات
المدينة والشكوى كانت بتمر مرور الكرام على المسئولين عن المدينة والكلية التابعة ليها
والجامعة على بعضهاممكن نقول ان المسئولين مش عارفين ياخدوا ضدها قرار لعدم وجود
الشهود بشكل رسمى لأن المديرة بتهدد البنات والموظفين ان اللى هينطق هتطلع عليه ان هو
اللى كدة مش هى ...دة حرام ولا حلال
المدينة والشكوى كانت بتمر مرور الكرام على المسئولين عن المدينة والكلية التابعة ليها
والجامعة على بعضهاممكن نقول ان المسئولين مش عارفين ياخدوا ضدها قرار لعدم وجود
الشهود بشكل رسمى لأن المديرة بتهدد البنات والموظفين ان اللى هينطق هتطلع عليه ان هو
اللى كدة مش هى ...دة حرام ولا حلال
ولما بعض الموظفات شافوها كذا مرة فى وضع مخل مع بعض البنات الملازمين ليها بشكل
مستمر انقسموا لقسمين بعضهم اعتبر كأن شيئا لم يكن وقالوا ( وانا مالى) والبعض الآخر
ضغطت عليهم لغاية لما سابوا الشغل وقعدوا فى بيوتهم
بلاش الموظفات اللى اتظلمت وبلاش البنات اللى خايفه على مستقبلها ولا خايفة تتشرد بعد
متزنق عليها وتطلع من المدينة
مستمر انقسموا لقسمين بعضهم اعتبر كأن شيئا لم يكن وقالوا ( وانا مالى) والبعض الآخر
ضغطت عليهم لغاية لما سابوا الشغل وقعدوا فى بيوتهم
بلاش الموظفات اللى اتظلمت وبلاش البنات اللى خايفه على مستقبلها ولا خايفة تتشرد بعد
متزنق عليها وتطلع من المدينة
المسئولين ساكتين ليه مع ان ريحتها فاحت وفاحت
لما يكون البنات خايفين يشهدوا عليها لتتبلى عليهم وتسوأ سمعهتم
فين الأمان هنا
دول بنات يا عالم
كل اللى له بنات يتقى ربنا ولما يشوف وضع زى دة ينطق
حسبى الله ونعم الوكيل....
هناك 40 تعليقًا:
ازاى الكلام ده
احنا وصلنا لكدة
و فين بقى المسئولين
اللى بيقتحموا بقوات الأمن المدينة عشان يقفشوا عيل اخوانى مع اختلافى مع الأخوان
و يأخذوه و هو نايم فى سريره
فين الأمن و الإحترام
!!!
بدراوى
مفيش أمان ومفيش أمن ومفيش احترام
الدنيا خلاص بقت تخوف
شكرا ليك
بصى لما كل واحدة خايفة على نفسها
أكيد هتقعد ساكتة
انما لما تبئا الشكوى جماعية فى نفس الوقت
مش معقول هيقولوا كلهم وحشين و هى اللى حلوة
ماهو أكيد لما الظلم يحس بجبروتة و سطوته
هيتفرعن فيها
ياريت بجد الكل يقف لها وقفة واحدة
و كمان يصروا فى شكوتهم
و ربنا مش هيسيب ظالم يستبد بظلمه
بس إحنا ناخد بالاسباب
دمتى بود
ماهى دى مشكلتنا ان كل واحد بيبقى خايف ينطق علشان المظلوم فى البلد دى بيبقى ظالم
لكن لو اتمحى الخوف منا و بقينا ايد واحده هنعرف نتغلب على الظلم ده
و زى ما سووول قالت لو الشكوى بقت جماعية هتقف هى عند حدها و هيتم التصرف
----
ربنا معاك فى الامتحانات و ترجعى بالف سلامه
السلام عليكم
فين المسئولين
اية الظلم والافترى دة
حسبى الله ونعم الوكيل
تحياتى
نونا كيف حالك
ان شاء الله فترة الامتحانات الصعبة دى تعدى على خير
ولن اضيف شيئا جديدا على تعليقى فى البوست قبل تحديثه
وحسبنا الله ونعم الوكيل
للاسف النماذج القذرة دى - وعذرا للفظ - بقيت مالية الدنيا وهم دول اللى بيعملوا اللى هم عاوزينوا واصحاب الحق للاسف بيخافوا
_________
ربنا معاكى فى ازمة الامتحانات
تحياتى
فى كل البنات دول ما فيش واحدة قالت لمامتها ومامتها بلغت حد فى المخروبة اللى احنا فيها دى ؟! ولا اب حمش راح مسك الولية دى من شعرها عمل فيها زى ما بتعمل فى بنات الناس ؟! تصدقى الواحد دمه غلى . ايه البلد دى ؟؟ هو احنا فى مصر ؟!
Soul.o0o.Whisper
انا نفسى يعملوا زى مبتقولى كدة بس معرفش هى مهدداهم بإيه علشان يوصل بيهم الحال للسكوت دة
انا سمعت ان هى مخوفاهم
ربنا ينتقم منها ومن أمثالها ومن اللى ساكتين عليها
Sweet Violet
الله يسلمك يا سكر
انتى صح الظالم بيتحول بقدرة قادر لمظلوم ومدان
علشان كدة الكل بيخاف
تامر
انا نفسى بسأل فين المسؤلين
فييييييييييييييييين
اذا كنت انا ياللى سمعت بس دمى فار امال اللى شافوا ومتأكدين فين من دة كله
مامة مازن
شكرا ليكى يا قمر وربنا يخليكى ليا
الواحد اصلا مبقاش لاقى حاجة يقولها
تسلمى يارب
رؤية
فعلا الدنيا اتملت من النوعية دى وربنا يسترها علينا
وشكرا ليكى ياقمر دعواتك
أستاذ هانى
المشكلة ان الكل عارف والكل بيتكلم فى الموضوع والدنيا كلها عارفة بس الشهود خايفين يبلغوا فيها ليه معرفش؟؟؟؟؟؟؟
والمسئولين ساكتين ليه بردو معرفش؟؟؟؟؟؟؟؟؟؟
وبعدين يا جماعة
ما هى لو مشيت من مدينة البنات دى هتروح مدينة بنات تانية
مهو الوضع ماشى كدة
لما يكون فى ادارى مش كويس مع الموظفين يودوه ادارى يقرف موظفين تانيين
ولما يكون دكتور مش محترم مع البنات بيمشوه يودوه كلية بنات بردو بس تانية يعنى
وهكذا الى ان تقوم القيامة ونخلص بئا
حسبى الله ونعم الوكيل
الحقيقه حاجه مقلقه لما تبقى مربيه اجيال و اللى بتحافظ عليهم فى الغربه و اهلهم نايمين مطمنين فى بيوتهم ان بناتهم فى امان تبقى بالشكل ده،يعنى معقول وصلت لكده،الحقيقهعن تجربه المدن الجامعيه فيها حاجات كتير سلبيه بس كان اهم عنصر فيها، يعنى وضع محتاج وقفه البنات دول امانه ، و ياريت يحاولوا مع رئيس الجامعه بالخصوص ده، مدونتك رائعه وربنا معاكى فى الامتحانات وان شاء الله متابعاكى
صوت من مصر
شكرا لمرورك
وحسبى الله ونعم الوكيل
بسنت
أنا عن نفسى أول مرة اسمع عن مشاكل المدن الجامعية
بس ان شاء الله ليها يوم تنكشف فيه وهيكون على ايدى بإذن الله
انتى الأجمل يا قمر
انا زورت مدونتك وضفتها عندى جميلة ودمها خفيف
شكرا ليكى
بسنت
أنا عن نفسى أول مرة اسمع عن مشاكل المدن الجامعية
بس ان شاء الله ليها يوم تنكشف فيه وهيكون على ايدى بإذن الله
انتى الأجمل يا قمر
انا زورت مدونتك وضفتها عندى جميلة ودمها خفيف
شكرا ليكى
يانهار مالوش لون
يعني حاميها حراميها
السلبيه والامبالاه وصلت للمصريين لكده
خلاص مبقاش في خوف من ربنا
حتي قولت الحق اللي هنتحاسب عليها راحت
الساكت عن الحق شيطان اخرس
شمس النهار
واضح ان القيامة قربت
الناس احوالها اتغيرت والقيم عندها اختلفت الصح بئا غلط والغلط بئا صح
ربنا يسترها علينا وميجعلناش منهم
شكرا ليكى
فعلا بلاش فضايح
كده بجد كتير
مدونه جميله زيك و اكي هاجيها كتير
فالحه يا نونتى وقابلينى لو حاجه اتغيرت
لان الطالباتجبناء وخوفات زلو واحده اتكلمت الباقى هيخرسها بجبنه
ولان رب البيت عارف وساكت فمتتوقعيش تغيير كبير يعنى ولاا من اساسه اصلا
بس ايه النشاط الكبير ده شغاله بوستات ولاا بتبلغينى شكلك هتتمردى عليا
انسى براحتك جمايلى البلوجريه عليكى وانا هنسا جمايلك الفيسبوكيه عليا ونبقى خالصين
وسمعينى احلى سلام فى البلوجر بحاله لبلاش فضايح
وافرحى با دعاء ههههههههههههههههه
مبدئياً ربنا يوفقك - ويوفقنا جميعاً- في الامتحانات..
بالنسبة لحكاية المدينة الجامعية فده مش موضوع جديد الموضوع متفشي بشكل ملفت للنظر وفي مدن الشباب أيضاً وهناك مئات الفيديوهات على اليو تيوب!!
كما قال الأصدقاء.. لن يُدحر الظلم إلا بتوحدنا وهذا - في رأيي - مستحيل تحقيقه في الوقت الحالي..
فنحن اعتدنا أن ننتظر البطل الخارق الذي سيأتي ليحل لنا مشاكلنا، دائماً نفضل أن يكون لنا قائداً نتبعه بعيداً عن معرفتنا بهذا القائد...
أي قائد والسلام!!!
تحياتي وربنا يبعد عننا الفضايح :)
يا نهار اسود ومنقط باسود
احنا وصلنا لكدا؟؟؟
بجد ربنا يلطف بينا
الساكت عن الحق شيطان اخرس
هي مصر كمان بقى فيها كدا دا انا قلت مفيش كدا غير في السعوديه واحنا احسن منهم
يادي النيله
كل دا بسبب قلة الدين
ربنا يحمينا ويعافينا من الناس دي والمصايب دي
حسبي الله ونعم الوكيل
اول زيارة ليا وان شاء الله مش الأخيرة
ربنا معاكي ويوفقك ويسهلك عليكي في امتحاناتك
واحنا كمان يارب
دمت بود
تحيــ بسومةــاتي(:
الجواز وسنينه
شكرا لزوقك
ومش هنقدر نقول غير ربنا يعافينا
محاسن
مانتى طبعا راسية على اللى المدينة فيه وراسية على البنات
خلاص حفظتيهم وحفظوكى مش 3 سنين بنشتغل هناك انا وانتى
شكلك انتى اللى هتخلصينا من شرها
هههههههههههههههههههههههههههههههه
يلا يا بطل يا همام
محاسن
انا اقدر انسى جمايلك عليا
دة انتى اللى خليتينى اعملها وانتى اللى مسمياها
يعنى بلاش فضايح دى تعتبر بنتك التانية
هههههههههههههههههههههههههههه
وبطلى فضايح بئا
كل متزورى المدونة لازم تقطمى فيا
سيبينى اخد فرصتى بئا وازحلقك من على السلم
ههههههههههههههههههههههههههههههههههههههههههههههههههههههه
Mysara
انت بتقول ايه ؟؟؟؟؟؟؟؟؟؟؟؟؟؟
مدن الشباب كمان
يادى المصيبة
انا اول مرة اسمع عن مدن البنات
انما مدن الشباب دى كمان مصيبة منيلة بنيلة
ربنا ينتقم منهم
ربنا ينتقم منهم
ربنا ينتقم منهم
حسبى الله ونعم الوكيل
شكرالمرورك
blue wave
الظاهر ان احنا لسة هنوصل لأكتر من كدة
وان مصر هتكون الرائدة و الأولى فى انيل من كدة
شكرا ليك
بسمة
مصر فيها زى السعودية
يمكن لان السعودية مختفية فى مشاكلها وبلاويها مش باينة
بس انا زيك اول مرة كنت اعرف الفضايح دى من السعودية وكنت فاكرة مصر نضيفة من الانواع دى من الناس
وقولت ان السعودية لانها متزمتة دينيا فبيحصل فيها كدة
لان انا شوفت فى مدارس السعودية بلاوى بلاوى بلاوى لكن دى عدوى وماشية على الكل
شكرا لمرورك
ياحبيبتى ولما يبقى رئيس مجلس إدارة
جهاز اد الدنيا وحرامى ومرتشى
ويتساب مرة واتنين وتلاتة
ويرجع لمنصبه يبقى ايه؟
norahaty
مهى دى من ضمن المصايب شوفنا منها كتير
انا شايفة كدة ان البلد دى معدش يتعاش فيها
بس هنروح فين اكيد كل بلد فيها بلاويها
مفيش غير الاخرة
شكرا ليكى يا سكر
هههههههههههههههههههه على فكره رجلى اتكسرت
وانتى وسلمك السبب هههههههههههههههه
و بنستغرب ليه ربنا مبتلينا بالبلاوى و المصايب على كل شكل و لون ؟؟!!
لأننا شياطين خرس الحقيقه بنسكت عن الحق و بنطنش على البوظان و بنقول سيب الملك للمالك ..
طيب أدينا سيبنا الملك للمالك ..
شوفوا بقى مالك مالك حيتصرف اٍزاى .. و آدى أولها : من المتوقع وفيات بالملايين لو أنتشر وباء أنفلونزا الحلاليف فى بر مصر المحروسه ..
و البنات اللى تنقصف رقابيهم ساكتين ليه ؟؟!!
خايفين من أيه ؟؟!!
قابلين على نفسهم هذا الذل ليييييه ؟؟!!
محاسن
انكسرت بس؟؟؟؟؟؟؟؟؟؟
طيب انا هاجى ازورك باتنين كيلو قشر موز استنينى
هههههههههههههههههههههههههههه
أستاذ عمرو
البنات تحت تهديدها
بس انا مش عارفة هى مهدداهم بإيه
دى رفدت الموظفين اللى كشفوها وقالولها انهم مش هيسكتوا
لدرجة ان لما فى بنت اعترفت عليها قالتلها انا هقول للناس ان انتى اللى كدة
بس هلى التهديد دة يكفى انهم يسكتوا على كدة ويناموا خايفين على نفسهم بالليل
جايز يكون سبب قوى لان البنات سمعتها بتتخدش من كلمة حتى لو ظلم
ربنا يرفع عنهم وعننا الظلم
واللى هقدر عليه هعمله
شكرا ليك
إرسال تعليق