الجمعة، 15 فبراير، 2013

النهضة من أجلك انت

ضع علامة √ فى المربع 

الكبير لازم يتظبط علشان يظبط
و لاانتوا فاكرين انه بياخد الفلوس يحطها وديعة فى ال HSBC

ايه يا ناس ؟ اييييييييييييه
فاكرين الريس دة سوبر مان ..
الراجل جاى و البلد خربانة بقالها 30 سنة
ادوله فرصة و اتنين و تلاتة و اربعة و خمسة و ......... الى ما لا نهاية
الراجل من يوم ما مسك وهو بيندب حظه انه جه بلد زى دى أساسا
يعنى كتر خيره .. دة الرئيس المنتخب عارفين يعنى ايه المنتخب يا متعلمين يا بتوع المدارس ؟؟؟
يعنى جاى غصب عنه
و بعدين فيها ايه يعنى ما ابنه خريج امبارح يتعين فى المطار بمبلغ و قدره
ماهو الراجل بيبدأ بنفسه اهو .. و بعد كدة هيشوفنا بحاجة
هو مش طباخ السم بيدوقه الاول ؟؟؟
عشان بس ميجيش حد يقول حاجة .. الراجل بيجرب فى نفسه اهو
عيب بقا عيييييب عليكوا

و ايه يعنى اما واحد يموت و لا اتنين حتى ولا اى عدد
ايه اللى وداهم هناك ؟؟
و طالما اللى مات مش اخوان يبقا مش شهيد
يعنى فى داهية

ايه يعنى اما بتاع البطاطا الطفل البرئ دة مات
ايه اللى يزعل فى كدة ؟؟ اهو ارتاح من الدنيا و من المرار اللى هنشوفه
و بردو مش شهيد .. ها .. اخبطوا دماغكوا فى أقرب سور

و عاملين هيصة علشان ال 3 ارغفة
بالذمة مش مكسوفين على دمكوا و انتوا معترضين على ال 3 ارغفة
عيب كدة الدول التانية تقول علينا طفسين
كُل و اشكر

لا و ال ايه معترضين على الغلاء اللى حصل بعد ما قالوا نعم للدستور
امال البلد هتقف على رجلها ازاى يعنى
مش انت تدفع فى السلع الاول .. و بعدين ناخد اللى دفعته نديهولك مرتب الشهر
و لا انتوا عايزين الحكومة تدفع من جيبها
و بعدين يعنى ما الريس بدأ من عنده اهو و بيشترى الحاجة بالغلا

و مسكتوا لهشام قنديل ع الكلمة اللى قالها
انتوا ناس فاضية على فكرة
يعنى الراجل غلطان انه بينصح الستات؟؟
مغلطش يعنى
طب بالعند فيكوا بقا
الندوة الجاية  هتبقا قعدة ستات
وهيتكلم عن طريقة عمل الكوسة باللحمة المفرومة
و الحلو قرع عسلى

و كلام بقا و رغى عن جواز بنته من ابن الريس
فيها ايه؟
يعنى الواد لو متجوزش فى عز ابوه .. عمره ما هيتجوز و هيعنس
هييجى حد رخم يقول بس الشباب بيموت فى التحرير و دة رايح يجوز ابنه
هرد عليك يا رخم انت : ماهو كله علشان الشعب
لما الريس تبقا دماغه مشغوله بأولاده عمره ما هيفضالنا
و بتوع التحرير دول ايه اللى وداهم هناك؟

و ييجى حد رخم هو نفس الحد اللى فات
يقر على ال 3 ايام العمى اللى قضتهم خالتى ام احمد و زوجات قيادات الاخوان فى طابا
بطلواااا حقد بقاااااااااااااا
طب انت عارف هما راحوا ليه هناك ؟؟؟
علشان يشوفوا الطريق مظبوط ولا لآ
و علشان يظبطوا الامور فى طابا و يمهدوا الشوارع
و يقولولنا يالا تعالوا الدنيا حلوة
يعنى هما غلطانيين اللى ضحوا بنفسهم و راحوا يشوفوا الاجواء ايه هناك
قبل ما نجازف و نروح احنا؟؟؟

عالم لا بتشكر ولا بتحمد
يا ساااااااااااااااااااااااتر


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الى من يهمه الآمر :

لو مات مننا كتير
لو متنا كلنا فدا مصر
مصر باقية
متتفتكروش انكم مخلدين
احنا كلنا راحلين
ومصر باقية
غصب عنكم

هناك 4 تعليقات:

شمس النهار يقول...

الله اكبر الله اكبر
:)
التعليقات بقت سهله:)
ده انا كنت بدور ولا اللي بتفتح الكوتشينه :))

طيب:)
انا قلت مليون مره احنا شعب نمرود ومش عارفين نبقا شعب اصلا
والريس اللي بيحكمنا غلبان
:)))

بلاش فضايح يقول...

نورتينى يا قمر
انا ظبطت التعليقات مخصوص علشانك و الله :)

ههههههههههههههه احنا ميستاهلش لقب شعب اصلا ... ربنا ياخدنا علشان الاخوان تعيش

الازهرى يقول...

طب شموسة كان بتدور وتلاقى

أنا بقالى زمن بادور ولا لقيت

ما علينا
الفرق بين الحكم والادارة كتبته الهاردة عندى
أما عن مصر بصفة خاصة
فكل اللى حاول يلعب معانا راح فى الوبا
وهنادى حصلته

صباحك ثكر

بلاش فضايح يقول...

التعليقات منورة تحت خالص اهى :)
آآآه ياخوفى احنا اللى نحصل هنادى و يقعدوا هما على تلها
نورتنى يا اسامة :)