الثلاثاء، 15 سبتمبر 2009

عظيمة يا مصر .. يا أرض اللوا

واضح ان الكيماويات اللى فى الأكل والشرب عملت تأثير جامد على المصريين
اللى كانوا زمان كلهم شهامة وضمير ونخوة وشجاعة ومجدعة
بقى عادى ان الناس تتسرق فى الميكروباصات والاتوبيسات
وبقى عادى ان محدش يمسك السارق
وبقى عادى ان محدش يقف جمب المسروق
بقى عادى انه يشهدهم على السرقة محدش يرضى يشهد معاه
على الرغم من ان الحرامى اصلا ضعيف يعنى لو الناس اجتمعت عليه
مش هيقدر يعمللهم حاجة
بقى عادى كمان ان الحرامى يرمى الراجل المسروق من العربية يقع على عجلة عربية ماشية
يعنى كان ممكن يتقتل .. قدام الناس كل دة
وهو يعنى لو كان اتقتل كانت الناس هتصحصح من الغيبوبة اللى هى فيها ؟؟؟
مع اننا فى رمضان ..
بس مش هتفرق كتير لان اللى بيحصل فى غير رمضان بئا لازم يحصل فى رمضان

وحسبى الله ونعم الوكيل

مش فى الشعب المصرى .. لا
ولا فى المسئولين عن رعيتهم .. لا

فى الكيماويات...........................

هناك 51 تعليقًا:

غير معرف يقول...

اولا مبروك النيولوك

بس بجد شيء مؤسف ..... انا لسه سامعه ان في واحد اتحرش بست في نهار رمضان في الشارع ..... ربنا يعافينا يا رب

الازهرى يقول...

أولا أنا كنت اول تعليق لكن الجهاز علق
ما علينا انا نفسى افهم يفرق ايه رمضان عن غيره ؟
التغيير محتاج اراده وثقافه سواء فى رمضان او غير رمضان
يعنى لو انسان عاصى ومتعب فى غير رمضان ومش ناوى يتوب
تفتكرى رمضان يفرق معاه كتير
وناس عايشه فى اللامبالاه وراضيه بكده ومش ناويه تتغير
يبقى رمضان بالنسبه لهم ايييييييه ؟

مبروك الشكل الجديد بجد جميل

mahasen saber يقول...

كتر من الفضايح ياليى رايح

يا شيخه استرى عليهم يستر عليكى ربنا

يعنى لو انا مثلا مثلا الحرامى ده كنتى هتشركينى كده
بهزر بهزر بس هزار شحط محط

انا لو من اهل الميكروباص الكرام هصرخ زى الغول وهزعق وهقول حرامىىىىىىىىىىىىىىىىىىىىىىى
امسكوه

انما تقولى ايه البشر خلاص اتخرسوا

ياه فكرتينى بمحفظتى العزيزه الغاليه عليا اليى اتلطشت منى فى نهار رمضان برضه

انا اتنشلت زمان يعنى

Ahmed يقول...

طب ماهيا ديه نتيجة الكيماويات اللي ربت فينا السلبيه

اللي يلاقي واحد تعبان في الشارع يخاف يخده على مستشفى أحسن يجراله حاجه ويروح هوا في سين وجيم

اللي يخاف يقف أدام بلطجيه احسن يكونوا مسنودين من البيه الظابط اللي في القسم اللي وراهم

سلبيه كتير
وحسبي الله ونعم الوكيل في الكيماويات

Unknown يقول...

المدونة فيها مشكلة
صلحيها
شايفة ازاى قلبت و بقت
ملخبطة

Unknown يقول...

مبرووووك التعديل
و بالنسبة للكيماويات
هل ليها علاقة بالإستغناء عن الأخ
ابو ميكروفون
اللى كان موجود قبل كدة
و شغال فضايح الله ينور
هههههههههه

هو مفيش امل انه يرجع مع الشكل الجديد
:-(

بلاش فضايح يقول...

فتاة من الصعيد
شكرا ليكى يا قمر

ربنا يعفو عنا ويعافينا يارب

بلاش فضايح يقول...

الأزهرى

معلش يا ازهرى تتعوض المرة الجاية
فعلا مش هتفرق رمضان من غير رمضان

شكرا ليك

بلاش فضايح يقول...

محاسن
سونة يا سنسن

دافعى ياختى عنهم
مهو حنيتك دى السبب
ههههههههههههههههههههههه


منورانى يا غيبوية

بلاش فضايح يقول...

أحمد

عارف يا احمد المشكلة مش فى ان الحرامية دول مسنودين وبس ولا كمان سين وجيم
دة بيحافوا ان الحرامية دول يحفظوا شكلهم ويضربوهم بالمطاوى وهما ماشيين

حسبى الله ونعم الوكيل

شكرا

بلاش فضايح يقول...

بدراوى
صلحتها خلاص

بس الشكل التانى كان اجمل

انما الظاهر ان الراجل ابو ميكروفون غضب علينا
ههههههههههههههههههههه

شكلنا هنرجعه بعد ما ستبعاده
ههههههههههههههههههههه

Unknown يقول...

هو ليه
القوائم
بالأسبانى
ههههه
؟!

مامة مازن يقول...

نونا العسولة دخلت المدونة صدفة كده ابص ع الحبايب لقيتك رجعتى تانى وكمان نيولوك مبروك رجوعك للتدوين بعد غيبة طويلة حبتين
كل سنة وانت بخير وصحة وسعادة

السلبيات ما اكترها بس مش معقول نظلم الكيماويات بس مش كده واللا ايه

الشعب لابد له من حكومه تشكمه يقول...

الله مبرووك عاجبنى اللون الجديد فرايحى:)
والله نحن شعق يعشق الكيماويات ونجول كمااان.

بلاش فضايح يقول...

بدراوى

وبعدين بئا فى الاحراج دة
انا ياسيدى لبلب فى الاسبانى

تصدق كنت فاكراه فرنساوى
هههههههههههههههههههههههههه

بلاش فضايح يقول...

مامة مازن يا قمر

وحشتينى جداجدا
معلش الدونة كانت مغلقة للخنقة
وربنا فكها ولله الحمد هههههههههههه

انتى بتدافعى عن الكيماويات كدة ليه
هى قريبتك؟
ههههههههههههههه

بلاش فضايح يقول...

الشعب لابد له من حكومه تشكمه

ازيك يا قمر
دة هدوم العيد
مش المدونة بردو لازم تلبس جديد عالعيد
ههههههههههه

الشعب المصرى قرب يبئا شبه الكيماوى اللى بيزرعوا بيه الاراضى

مامة مازن يقول...

لا وحياتك ولا قريبتى ولا اعرفها ههههههه
بس محمود عبد العزيزغنالها الكيمى كيما كا الكيمى كيمى كو سلام للكيميا يا
ههههههههههههههه يعنى اهو الراجل قالك ملهاش ذنب من كام سنه هههههههه

بلاش فضايح يقول...

ههههههههههههههههههههههههههههه
هههههههههههههههههههههههههههه
ههههههههههههههههههههههههههه
ههههههههههههههههههههههههههههههه

لالا عندك حق
انتى صح يا قمر
نعتذر للكيميى كيمى كا

غير معرف يقول...

;hghvvvvvvvvvvvvvnnnnnnnnnn
jjjjjjjjjjjjjjjjjjjhgvvvvvvvv

jhhhhhhhhhhhhhhhhhhhhhhhhhj
\

kjjjjjjjjjjjjjjjjjjjjjjjjjj
jjjjjjjjjjjjjjjjjjjk
kjjjjjjjjjjjjjjjjjj

هل يا تري حتعتبري دا تحرش

afew good men يقول...

كل سنة وانتي طيبة


اننا الغير معرف ودي الترجمة

بلاش فضايح يقول...

الاجنحة المكسورة

هههههههههههههههههههههههه
هو انت دخلت ليه بغير معروف من الاول
عموما انا ترجمت الكلام من قبل مانت تترجمه

كل سنة وانت طيب يارب وعيد سعيد عليك

اقصوصه يقول...

الله يعيننا ع هالزمن :(

من غير عنـــوان يقول...

المشكلة في ضياع المرؤة

والحل في الأخلاق الحميده
التي بعث بيها نبينا صلى الله عليه وسلم ليتممها

فليتمسك كل منا بصحيح الدين

وكل عام وأنتم بخير

الازهرى يقول...

بخخخخخخخخخخخخخخخخخخ

كل سنة وانت طيبه وبالف خير

كل سنة وانت اجمل والى الله اقرب

عيد سعيد على كل المسلمين يارب

Mysara يقول...

لا ولا حتى الكيماويات..

حسبي الله ونعم الوكيل في كوتش العربية الوراني اللي كان هيقتل الراجل :)

انا رأيي نستورد شهامة تبقى صُنعت في الصين..

كل سنة وانتي طيبة يا نونا :)

بالمناسبة جميل جدا النيو لوك :)

Soul.o0o.Whisper يقول...

نونا

كل سنة و انتى طيبة
و عيد سعيد عليكى يارب

بصى يا نونا
صدقينى العيب فى ثقافة شعب محدش عاوز يتعب نفسه و يصلح نفسه إلا لما الباقيين يتغيروا


سيبك انتى ... قضى وقت حلو :)

دمتى بكل خير

نـــــور يقول...

ازيك يانونا ياقمر
كل سنة وانتى طيبه وعيدك سعيد ان شاء الله

على فكره عايزة اقولك ملاحظه قويه ورهيبه
رمضان مابقاش ليه هيبه خالص ولا احترام
يعنى ابسط كلمة ممكن تتقال تعصمنا من الغلط هى اللهم انى صائم تلات مرات
دلوقت لا
مابقتش تتقال
وحسبى الله ونعم الوكيل

تأثير الفراشة يقول...

لا حول و لا قوة إلا بالله

هنقول إيه يا نونة، أعاننا الله على تغيير ما بانفسنا حتى يتغير حالنا

ألف مبروك على شكل المدونة الجديد

كل سنة و انت طيبة و فى أحسن حال

ملأ الله عيدكم بالسعادة
و رزقكم الحسنى و زيادة
و حبب فيكم ملائكته و عباده
تقبل الله منكم رمضان
و كل عام و أنتم بخير و إلى الله أقرب و فى طاعته أدوم إن شاء الله

عيــــــد سعيــــــد

بسنت صلاح الدين يقول...

ايه العسل ده ،المدونه بقت قمر منور بيكـى ،
وكــــــــــــل عـــــــــــــــام وأنـــــــــــــتــــــى بـــألـــــف خــــــيـــــر
وعــــــــــيـــــد فـــــطــــــر مــــبـــــــــــاركــ

بلاش فضايح يقول...

أقصوصة
نورتى فى اول زيارة ليكى عندى

شكرا ليكى

بلاش فضايح يقول...

من غير عنوان

مصر تتمتع بأمية دينية لا بأس بها

شكرا ليك

بلاش فضايح يقول...

الأزهرى

عيد سعيد عليك وعلى كل اللى بتحبهم يارب

اه نسيت
يامامااااااااااااااااا

بلاش فضايح يقول...

ميسرة

لو لم اكن مصريا لوددت ان اكون صينيا
هههههههههههههههههههههه

شكرا جدا ليك

بلاش فضايح يقول...

سول ويسبر القمر

عندك حق
نعيب زماننا والعيب فينا
وما لزماننا عيب سوانا

عيد سعيد يا قمر

شكرا ليكى

بلاش فضايح يقول...

نور

كلامك صح
معدش حد بيعمل اى اعتبتار لرمضان خالص

ربنا يرحمنا برحمته

شكرا ليكى

بلاش فضايح يقول...

تأثير الفراشة

كل سنة وانتى بكل الخير يا قمراية

شكرا ليكى

بلاش فضايح يقول...

بسنت السكر
نصيرة النساء

كل سنة وانتى طيبة يا سكر

شكرا ليكى

كلام على بلاطة يقول...

الكيماوات اتظلمت معانا
الثقافة اولا واخيرا

بلاش فضايح يقول...

كلام على بلاطة

مبقيناش عارفين من فى البلد الظالم و مين المظلوم

mohamed ghalia يقول...

عظيمة يامصر أكيد طبعا مصر عظيمة وبعد كيماوياتها هتكون عظيمة أكتر
ربنا يصلح حالنا

momken يقول...

عارفه...احنا اتب الثوابت عندنا
كمان المصطلحات...والقيم التغيرت

بمعنى

الشخص الطيب اصبح عبيط
الشجاع اصبح حشرى ومتهور
والشخص الجدع اصبح بيمثل
والشخص الشهم اصبح بيرسم

وكتير من القيم والمبادىء اتغيرت واتبدلت دى لو مكنتش اتعكست

احنا فى زمن اصبح المجرم عينه بجحه والشخص السليم مقهور ومشتبه فيه

الله يقطع الكيماويات ويخلصنا منها بقى

بوستك رائع

تحياتى

هانى زينهم يقول...

غالبا البلد دى ماتت كبلد ليها نظام وقانون ودستور وكدة يعنى اللى فاضل فيها شوية ناس طيبين مربيين عيالهم على الخير وشوية شيوخ بيصلوا وغالبا دول اللى مانعين عذاب ربنا عننا .

غير معرف يقول...

ربنا يرحمنا

د/عرفه يقول...

لا مش كده كمان وبس

لا ده قليل الادب المفضوح لسه له عين يطلع ويقول انتوا اللى مش بتشوفوا ولا بتسمعوا


المدينة الافلاطونية بقيت بعيدة عننا اوى

Israa El-Sakka يقول...

الله يستر علينا
طب نعمل إيه ايعني ؟؟ نشم الفاكهة قبل ما نأكلها ههههه بجد حد يقولي
سعيدة بزيارتي الأولى لمدونتك و إن شاء الله مش الأخيرة

غير معرف يقول...

ahmedsas98@yahoo.com

دي مش مصر بس دي كل الدول العربيه أنا شفت كثير دول بيحدث عندهم مثل مابيحدث عندنا
لكم الله ياشعبنا

سمكه واحده يقول...

هههههههههههههههههههه
معلش يا بنتي
ده اخويا انا لسه قايمه من النوم
اصله دخل علي الفيس بوك وهو متسجل علي الجهاز وفاكر انه الفيس بوك بتاعه وبيقولي انتي مسجله علي الجهاز ليه ده انا اتكلمت مع حد ومعرفش ايه
هههههههههههه سيبك منه معلش محدش سرق ولا نيله ده اخويا الغتيت ولا اسمه فارس ولا نيله
معلش ياجميله عطل فني
اخبارك ايه معلش علي سوء الفهم كان داخل علي الجهاز وانا مكنتش موجوده لسه قايلي دلوقتي
معرفش ازاي الفيس بوك بتاعي اتسجل علي الجهاز انه يفتح لوحده

سمكه واحده يقول...

وشكرا علي اهتمامك ربنا يخليكي يارب
كده الواحد يحس ان وراه رداله
عامله ايه اخبراتك

donya يقول...

مساء الخير
برضه زياره لمدونه جميله مهجوره
بجد بزعل من المدونات الجميله المهجوره دي
نفسي اعرف ليه مهجوره بس

يارب ترجعي لمدونتك الهايله دي


*تحياتي

غير معرف يقول...

قوليلى ايه اللى مش عادى فى زمن العجايب اللى احنا فيه !!!!!!!!!!