الخميس، 6 أغسطس 2009

راديو المطلقات


راديو المطلقات نزل
ولله الحمد
شرفونا بزيارتكوا وتعليقاتكوا

ودول الكلمتين اللى انا عايزاكوا تكتبوهم فى تعليقكوا على برنامجى
كلام وخلاص

طبعا مانتوا هتكتبوا تعليقكوا عندى دة اجبارى
وهتكتبوا الكلمتين اللى همليهم ليكوا بردو اجبارى

الله يا نهى ايه الحلاوة دى
ايه الحلقة اللى كسرت الدنيا دى


واياك حد يقول كلمة كدة ولا كدة برة النص




هههههههههههههههههههههههههههههههههههههههههههههه


يلا مستنينكوا هناك
http://www.motalakatradio.com/

هناك 51 تعليقًا:

Unknown يقول...

اول تعليق
ازيك يا دكتورة
ليكى وحشة
يارب تكونى بخير

بلاش فضايح يقول...

بدراوى ازيك انت
شكرا ليك
بجد المدونة واصحابها وحشونى
كلكوا وحشتونى بس انا كنت مشغولة بالراديو

The illusionist يقول...

وحشتنى المدونه دى
انا عمال افتكر انا فين المدونه اللى القالب بتاعها شبه بتاعى
وعلقت فيها قبل كده
مش لاقى
بس لقيتها
بس ده بتاع مطلقات
ههههههههههه
اعمل فيه ايه
انا ممكن اقدم مشاريب
الف حمد الله على السلامه

صوت من مصر يقول...

مبروك يا نهى
بجد سمعت الحلقه وبجد هايله
وتانى حاجه
عايز اعرف حلقتى عجبتك ولا ايه
انا محتار

الازهرى يقول...

الله
ايه الجمال والعظمة دى بس؟
حلقه هتكسر الدنيا
احم
اروح بقى اسمعها وارجع

اعشق فى الليل ضوء القمر يقول...

الله يا نهى ايه الحلاوة دى
ايه الحلقة اللى كسرت الدنيا دى

انا قلت اقولها بدل ما أتضرب
ههههههه

بس مطلقات و راديو ديه حاجه فضايح خالص
ربنا يا ستير على عبادك
شكل الرجاله هتتاكل فروتهم

مامة مازن يقول...

مبروك يا نونا صحيح كنت اول مرة اسمع عنه يوم الثلاثاء منك بس ان شاء الله هسمعه باذن الله وبكره تبشبش وتيجى اعلانات وكده يعنى بقى يا ستى
ربنا معاكم ويحقق لكم اللى بتتمنوه

بلاش فضايح يقول...

mr/zanaty
الحمد لله اديك عرفت السكة
متتوهش تانى بئا

وبعدين اكيد هنعوزك
دى المشاريب دى اهم حاجة فى الصيف النار دة ويبئا ينوبك ثواب
ههههههههههههههههههههههههه

بلاش فضايح يقول...

كيمو
انا من امبارح عمالة احاول ادخل اعلق على حلقتك معرفتش النت كان منيل

بس حلقتك جميلة يا كيمو اوى

بلاش فضايح يقول...

الازهرى
هههههههههههههههههههههههه
هههههههههههههههههههههههه

انت كدة فهمتنى
التعليق قبل السماع

واللى هيسمع ويقول غير كدة ياويله

بلاش فضايح يقول...

اعشق فى الليل ضوء القمر

اهو كدة
قولتلك خاف على نفسك
ههههههههههههههههههه

لالا بس نحن نقبل الرأى والرأى الاخر

فى الراديو يوميات مطلق راجل

بلاش فضايح يقول...

مامة مازن

الله يبارك فيكى يا قمر
ويسمع منك ربنا
عايزين الراديو دة يشد حيله

تسلمى يا قمر

ليس فقيرا من يحب يقول...

اسلام عليكم

الله يا نهى ايه الحلاوة دى
ايه الحلقة اللى كسرت الدنيا دى

شوفتى انا شاطرة ازاى وباسمع الكلام

كل سنه وحضرتك طيبه
تقبلى تحياتى
فى حفظ الله

Unknown يقول...

لو سمحت ممكن لينك الحلقة اللى حضرتك
عملتيها لأنى مش فاهم اى شىء
فى الموقع خالص

AHMED SAMIR يقول...

طيب و غير المطلقات عليهم ان يمتنعوا و لا ايهظ

غير معرف يقول...

مبرووووووك
جاري السماع والتعليق

وهنلتزم بالمنهج
مبروووك عودتك للمدونه

mohamed ghalia يقول...

مبرووووووووووووووووووك
بالتوفيق إن شاء الله

بلاش فضايح يقول...

ليس فقيرا من يحب

نورتى المدونة يا قمر
انت شاطرة ههههههههههههههههه

شكرا ليكى

بلاش فضايح يقول...

بدراوى

الحلقة بتاعتى رقم 3
مكتوب فى التسميات كلام وخلاص

بس اريت تسمع البرامج كلها
ان شاء الله هتعجبك

بلاش فضايح يقول...

A.Samir

الراديو لأى حد
دة حتى المذيعين فيه مش كلهم مطلقين
برامج متنوعة وزوار متنوعين

شكرا ليك

بلاش فضايح يقول...

فتاة من الصعيد

ههههههههههههههههههههههههههه
الله يبارك فيكى يا قمر
وحشتونى والله

بلاش فضايح يقول...

محمد غالية

الله يبارك فيك
ربنا يكرمك
شكرا ليك

جحا المصرى يقول...

بالتوفيق فى الراديون الجديد

بسنت صلاح الدين يقول...

بالتوفيق يارب يا حبيبتى والف مبروك انا اول مره اعرف والله دلوقتى يارب دايما فى تقدم يا قمر

Hesham يقول...

انا مش عارف ليه التفرقة دى راديو مطلقات وجمعية مطلقات ياجماعة هو ايه الفرق بين الأنسانة المطلقة وغيرها كلهن لهن الإحترام والظروف الشخصية او العائلية لاتعيب احدا الا اذا كان الحاجة هو من يريد عيب نفسه
معلش اصل فعلا متغاظ من المجتمع اللى حتى يفرق بين الناس بسبب ظرف طارئ مع ان لافضل لعربى على عجمى الا بالتقوى
لنا الله

عمرو يقول...

مبروك و حأسمع الحلقه و اقولك رأيى :)
تقبلى تحياتى و تقديرى ..

Remas يقول...

الله يا نهى ايه الحلاوة دى
ايه الحلقة اللى كسرت الدنيا دى

ههههههههههههههه

اهو قلت اللى طلبتيه بالظبط

لا بجد ماشاء الله الحلقة فعلا حلوة جدا وكنتى رائعة بجد

ربنا يوفقك ياجميل

يمكن انا اول مره هنا في مدنتك وان شاء الله هاكون زائرة دائمة لكى

تحياتى ياقمر

ادم المصرى يقول...

حله جميله الف مبروك

ali_ali20404 يقول...

تسلمي اختي الغالية
فكرة جميله موضوع راديو المطلقات
انا شفت برنامج العاشرة مساء الان بالتليفزيون وقمت بالبحث حتى وصلت للمدونة وانا مبهور بافكارك يا دكتورة وعلي فكرة انا لسه متزوج جديد ومش معنا اني اكون معاكي هنا في ركن المطلقات اني لازم اكون انثي او مطلق ولكني اريد ان اتعلم واخد دورس من الاخوة والاخوات المطلقات حتى لا اقع في مصيدة او فخ الطلاق بس ياريت تعرفيني ازاي اقدر ادخل الراديو واسمع البرامج شكرا لكي كتير جدا وربنا يوفقك

بلاش فضايح يقول...

جحا المصرى

شكرا ليك ربنا يكرمك

بلاش فضايح يقول...

بسنت
وحشتينى يا قمر ازيك

شكرا ليكى ربنا يخليكى

بلاش فضايح يقول...

أستاذ هشام
هو المجتمع دة اللى خلى المطلقات تتمرد على القهر اللى بيحصلهم
المجتمع بيعاملهم كأنهم فئة مختلفة فى المجتمع ومحتاجين يطلعوا اللى جواهم

عموما انا مش مطلقة ولا حاجة
بس الراديو فى برامج متنوعة كتير

بلاش فضايح يقول...

أستاذ عمرو

يشرفنى وجود حضرتك
ويارب يعجبك

بلاش فضايح يقول...

ريم

هههههههههههههههههه
انتى الاجمل يا قمر

شكرا ليكى
يا قمر

وان شاء الله متكونش دى اخر مرة

بلاش فضايح يقول...

آدم المصرى

شكرا ليك ربنا يكرمك

بلاش فضايح يقول...

أستاذ على

مبروك للجواز اولا
وثانيا كلامك صح ومظبوط
وياريت كل الناس تفكر زيك
لان الهدف من الراديو مش الطلاق ولكن تلاشى اسباب الطلاق

شكرا ليك
لو دخلت على جوجل وكتبت مطلقات راديو هتظهرلك

واللينك اهوه
http://motalakatradio.blogspot.com/

غير معرف يقول...

thank you

تأثير الفراشة يقول...

هاروح حالا إن شاء الله

ربنا يوفقك يا نهى و ينفعك و ينفع بيكى

فارس عبدالفتاح يقول...

حاضر اقول رأي بدون تجريح

حضرتك طرقتي نقطة بالغة في الاهمية بس يا ليت تكملي وتتكلمي عن طريقة اللبس طريقة الكلام طريقة المشية


يعني الاداب العامة وبلاش تكون اسلامية ولا علمانية

لكن ما تعارف عليه الناس من العرف والقيم الاخلاقية المصرية الاصيلة

ali_ali20404 يقول...

السلام عليكم ورحمة الله وبركاته
اختي الغالية دعاء
احب اهنئكي علي البرنامج بتاعك الجميل
متهمونا غلط
سمعته اكتر من مرة الف مبروك علينا البرنامج وبقول علينا لاننا سوف نستفيد اكيد من برنامجك الرائع شكرا لكي وروحك الجميلة الي امام وفي اذهار دائم اخوكي في الله ايمن فرج

تأثير الفراشة يقول...

جاية أقول لك كل سنة و انت طيبة و إلى الله أقرب إن شاء الله

متوقفة فترة رمضان و العودة بعده بإذن الله

تقبل الله منا و منكم

رمضان كريم

نـــــور يقول...

كل سنه وانتى طيبه
ورمضان كريم
ومبروك الراديو ياقمر حتى لو متأخره شويه

:)

بلاش فضايح يقول...

تأثير الفراشة

شكرا ليكى يا قمر
وكل سنة وانتى بكل الخير
ويارب يبئا رمضان سعيد عليكى

بلاش فضايح يقول...

فارس عبد الفتاح

حضرتك عندك حق
البنات مبقوش زى زمان
وبقوا بيتفننوا ازاى يلفتوا الانظار
ان شاء الله هتكلم عن المواضيع دى

شكرا ليك

بلاش فضايح يقول...

ali_ali20404

اهلا بحضرتك
بس انا مش دعاء
هو حضرتك سمعت برنامج ايه ؟؟

شكرا ليك لمتابعتك البرامج
وإبداء رأيك فيها

بلاش فضايح يقول...

نور يا قمر
ازيك
وكل سنة وانتى بكل الخير يارب

الله أكرم

شكرا ليكى يا سكر

شمس النهار يقول...

ازيك
مبروك علي البرنامج
وكمان كل سنه وانت طيبه
ان شاء الله البرنامج يكبر ويكسر الدنيا:)

بلاش فضايح يقول...

طنط شموسة

ازى حضرتك
الله يبارك فيكى يارب

كل سنة وحضرتك طيبة

شكرا ليكى

الازهرى يقول...

كل سنه وأنت وكل أحبابك فى خير وإيمان وأمان وسلام وطمأنينه

غير معرف يقول...

هات ودنك اقلك حدوته بايخه :-
مرة اتنين كانوا متجوزين وكالعاده حصلت مشاكل مابينهم قام الزوج طرد الزوجه بالاولاد يرة البيت .
قامت الزوجه اتغاظت راحت رافعه عليه دعوي نفقة زوجيه وصغار
قام الزوج قرر انه مايستلمش الاعلان علشان مايحضرش اول جلسه والقاضي ياجل القضيه لاعادة الاعلان وعرض الصلح يس ويدوخ اللي جايبنها رغم ان اخوه او ابوه او جاره هما اللي استلموا الاعلان .
وفعلا تتاجل الدعوي وبعدين الزوجه تطلب التحري عن دخل الزوج المهم ييجي التحري بكام لو موظف ييجي ب 300 ج في الشهر رغم ان الزوج ساكن في شقه ايجار جديد ب 600 ج بس بردوا القاضي مالهوش دعوة هو ملتزم بالورق اللي امامه .
المهم بعد الاطلاع والتحري والتاجيلات الاداريه وخلافه القاضي يحكم للزوجه والصغير بنفقة حوالي 300 ج مثلا .
وتفرح الزوجه وتحاول تنفذ الحكم يقوم الزوج ياخد اجازة بدون مرتب ويزل ابوها ومايخليهاش تعرف تصرف النفقه.ومايبقاش امامها الا بنك ناصر وهنا الطامه الكبري تروح بقي للموظفين اللي علي حق هما دول اصل الموظفين الحقيقيين والنبته الخبيثه اللي طلع منها موظفي الدوله فتفاجئ وتياس وتضطر انها تنتظر .
المهم سامحوني طولت عليكم قولوا طول فوتكم في الكلام قولوا ماتفوتناش ماعلينا .
المهم تنتظر الزوجه والاولاد الحكم لما يبقي نهائي ويتم الفصل في الاستئناف علشان تحبس الزوج بدعوي مطالبه بمتجمد نفقه فتاخد ةنفس الاجراءات ويتم التحري عن يسار الزوج المهم تكون الزوجه اتجننت والعيال يكونوا خلاص عرفت اللي فيها فيبدأوا يعملوا ايه بقي يتوزعوا علي الميادين ويبداوا يظهروا امكانياتهم المدفونه واللي يبيع مناديل واللي يمسح عربيات واللي يجيب من الاخر ويحترف اتلشحاته وبعدين يسيبوا المدارس وتلاقي اصحابهم علي كخه وسيد سيخ وبعدين تقولوا عليهم اطفال شوارع .
المهم اتحملوني كمان شويه لان والله المأساه تستاهل انك تتابعها لانها لسه ماخلصتش .
ييجي الولد او البنت يكبروا والاسعار تزيد وطبقا للقانون ومجريات الامور بتاعت البني ادمين العاديين انه النفقه لازم تزيد .
قوم الزوجه اللي الحمد لله لسه عايشه ترفع دوي اسمها زيادة نفقه وتمر الدعوي دي بنفس الاجراءات العقيمه بتاعت الدعوي الاولي .
المهم ان الزوج خلال تلك الرحله المأساويه يروح رافع دعوي تمكين من رؤية الصغار علي اعتبار انه اب اصلا .
قوم ايه المحكمه تقول ايوة حقه لازم يشوف ولاده وتصدر حكم بالزام الزوجه بتمكين الزوج من رؤية الاولاد وتاخدهم علشان الباشا يشوفهم قوم الاب يضحك عليها اول مايشوفها شايله الاولاد ومجرجراهم وراها علشان يكمل علي الباقي منها .
طيب وبعدين ايه الحل :-
1- بالنسبه للنفقه علي القاضي ان يصدر حكم النفقه الخاصه بالاولاد علي ان يتضمن هذا الحكم الزياده السنويه برقم محدد حتي بلوغ الصغير اقصي سن للحضانه واستطاعته الكسب .
2- بالنسبه للتمكين من الرؤيه القاضي يكلف نفسه شويه ويطلب حضور الطرفين ويتاكد ان الزوج ملتزم بالنفقه المفروضه بموجب حكم ةبعدها يصدر حكم بتمكينه من الرؤيه في حالة تاكد القاضي من عدم التزام الزوج بالنفقه يصدر قرارا بوقف الدعوي تعليقا لحين التزام الزوج .
وبكده ياحلوين ماتلاقيش مشاكل والدنيا بيس .
ايوة صحيح نسيت اقولكم ان طبعا ده علشان يتحقق عاوز مجلس شعب بيفهم مش شوية .............وتوته توته ماخلصتش الماساه قصدي الحدوته ايه رايكم حلوة ولا ملتوته
علي فكرة كل القوانين المصريه عفنه ومحتاجه تغيير وسوف نتناولها شيئا فشيئا كلما سمحت الظروف بس ياريت مانكتئيش ونتعب نفسيا وتتحملوني الفرماوي

بلاش فضايح يقول...

استاذ الفرماوى
اولا طبعا اهلا بيك نورت المدونة
ونتمنى متكونش اخر زيارة
ثانيا:
المشاكل دى بقت منتشرة جدا لدرجة كبيرة وواضحة
بس اكيد انت شايف زيي ان الموضوع بدأ بالعند بين الزوجين
ولان قوانين الاسرة عقيمة زى مابتقول فعلا
فالحقوق مهدورة
والمشكلة ان اكيد كل واحد منهم شايف نفسه صح
محدش بيتنازل ولا يخطر على باله انه غلط
والاهالى بتزيد المشكلة ومبتخليش الازواج يتكلموا مع بعض بهدوء ولا بيصلحوا بينهم و خصوصا ان فى اولاد هتتشرد ماديا ونفسيا
بالعكس دة كل واحد واقف فى صف اللى تبعه و بيسخنه اكتر

انا هحط موضوعك دة فى بوست خاص بيه وياريت تتابع التعليقات
شكرا ليك