الاثنين، 6 أبريل، 2009

لو وفرنا فلوس الكادر....؟؟؟

ضع علامة √ فى المربع 
بدل منعيد هيكلة نظام التدريس ونعمل كادر علشان يتم بيه تشغيل المديرين والنظار والوكلا فى الفصول والتدريس بعد السن دة مقابل زيادة فى المرتب ..

ميوظفوا بفلوس الكادر دى موظف أو مدرس شاب جديد .. حتى لو الزيادة الضئيلة اللى زادت على مرتبات المدرسين بعد الكادر متأكلش موظف جديد عيش بس أحسنله من سف التراب

ولا ايه؟؟؟؟؟

هناك 20 تعليقًا:

صوت من مصر يقول...

ولا ايه
للاسف نظام الدوله بالاكمل فاشل مش هنتكلم على دى وبس

soly88 يقول...

كتير من المدرسين مستواهم زى الزفت
واكيد انت عارفه
والمدارس لم تعد محراب للعلم
ياريتك شفتى حلقة 90 دقيقه النهارده

الازهرى يقول...

المدونة جميلة واعتقد اننى ساستأذن فى ضمها عندى

لكن عندى سؤال
كان فى نونا اختفت من شهور
هل هو تشابه اسماء ام الشخصية ذاتها من مكان جديد

nona يقول...

صوت من مصر...
عندك حق بس يمكن انا بتكلم بس على اللى بفهم فيه

شكرا لمرورك الكريم

nona يقول...

الأزهرى...
لا انا مش نونا اللى انت تقصدها انا واحدة جديدة لسة داخلة عالم المدونات جديد

ويشرفنى انك تضم مدونتى عندك وبعد اذنك انا كمان ضميت مدوناتك عندى

وشكرا ليك

nona يقول...

soly
هو ايه اللى حصل فى حلقة 90 دقيقة؟
المشكلة انى مش متابعة التليفزيون اوى

المدرسين والمدرسة على بعضها مستواها بئا يثير الشفقة والله
واللى عايز يتقى ربنا فى شغله مالوش مكان بينهم

شكرا ليك

حاجات جوايا يقول...

والله الكادر ده احسن الوحشين
انا صحيح مدرسة مع ايقاف التنفيذ لحد ما تفرج
بس لو حبيت اشتغل .. ده لو نزلوا تعيينات يعنى .. مش هرضى اشتغل براتب قليل ميكفنيش مواصلات بس

ميرسى على زيارتك يا قمر
سلامى لسنسن الجميلة وبيرو حبيبى

خالص حبى
سالى

nona يقول...

نورتى المدونة يا ( حاجات جوايا ) على ماعرف اسمك هههههه

بس عايزة اقولك ان الدنيا مش على قدنا احنا بس
دة فى ناس محتاجة ال100 جنيه دى ومستعدة تجيلها مشي

انا اعرف ناس بتسافر علشان 143 جنيه
اللى هما يمكن يكفوا مواصلاتهم بس

سلامك لمحاسن هيوصل يا سكر

نـــــــــــــور يقول...

صح ياافندم
بس انا شايفه ان اعقد الامور فى بلدنا هوان تخطيط قادتنا الاعزاء بكل الفخر فاشل فاشل فاشل
وياريتهم معترفين بده انما فاكرين نفسهم صح

والنتيجه الكادر وقيسى على ده حاجات كتير كتير
ربنا يحفظنا

انا سمعت ان بلاش فضايح دى تبقى دكتوره فى كليه ازهريه فى الزقازيق صحيح ده؟

nona يقول...

اه والله يا نور حاجات كتير بايظة
بس اهو كانت حاجة خطرت على بالى ان موضوع الكادر دة هيزود من بطالة خريجى التربية والآداب

مين بئا اللى قالك على بلاش فضايح؟؟؟؟؟

نـــــــــــــور يقول...

اممممممممممم يعنى صح الكلام؟.

بصى ياستى دى اسماء جمعه بنت الشمس اللى عرفت بالصدفه من محاسن ام بيرو انك دكتوره عندها فى الكليه بس بما انى مش عندكوا فى الكليه ام بيرو مش جابتلى سيره

لكن عرفت بقى من اسماء
انا كده هبقى جارتكوا فى جامعه الزقازيق :)

شمس النهار يقول...

ماهمه لوعملوا كده يبقه بيفكروا صح ومافيش حد في البلد دي بيفكر صح

nona يقول...

انتى فى كلية ايه يا نور؟
ومحاسن مقالتلكيش ازاى دى كل متشوف حد تقوله عليا
اصل هى السبب فى انى اعمل مدونة
وهى اللى ساعدتنى فيها وشجعتنى عليها

نورتينى يا نور

nona يقول...

عندك حق والله يا شمس النهار
فاتتنى دى

جنّي يقول...

السلام عليكم

ما ذكرتيه جزء من الحل ..

ولكن الحل يكمن في ثورة شاملة لتصيح منظومة التعليم في بلادنا بعناصرها المعلم والمناهج حتى الطالب ..

التعليم عندنا في حالة انهيار قبل وبعد الكادر ..

yoyo يقول...

تقبلى اعجابى وتقديرى بمدونتك يا دكتورة

بما انى عايشة ومتعايشة بشكل كبير اوى مع حياة المدرسين ومشاكلهم من كافة النواحى من ناحية والدى وكمان والدتى و اخيرا انا مس مع ايقاف التنفيذ يعنى
شايفة انه مجرد حركة كدا اهوا بيلهى الناس بيها وزيادة وكلام بينقال لكن الزيادة بجد مش تذكر حاجة بسيطة و الاسم كادر وخلاص

و الله البلد فيها ايه وايه كتييييييييير اوى ربنا يصبرنا بقى

تقبلى مرورى الاول و ان شاء الله لن يكون الاخير
تحياتى
يويو

nona يقول...

جنى...

فعلا التعليم كله عايز تغيير
بس عايزين بداية

ادينا بنحلم من زهقنا

تحياتى

nona يقول...

مس يويو مع ايقاف التنفيذ...
انا بردو زيك عايشة الوضع هنا مع ماما ومتابعاه معاها

الناس كلها متفقة على انها حركة بيلهى بيها الناس او نظام غير مدروس وهيطربق على دماغ الكل

او يمكن مدروسة وليها اهداف لا يعلمها الا الله

تحياتى ليكى

norahaty يقول...

ماهو ده نفس المنطق
اللى بيمدوا العقد
للمحظوظين من الناس
عندنا بداًمن البيه
الدكتور مدير العيادة
للست(ام حلاوتهم)العاملة
والحجة:خبرات نادرة !!!!!
ام حلاوتهم ومديرنا الادارى
خبرات نااااااااااااااادرة
شفتيش؟:(

nona يقول...

هيا نادرة فعلا
ههههههههههههههههههههه
لا انا مشفتش كدة والله
ربنا يقعدلهم عيالهم فى بيوتهم علشان يحسوا بينا

دعوة منى ساعة عصرية يوم شم النسيم
حسبى الله ونعم الوكيل