الأحد، 12 أبريل، 2009

يا رايح كتر من الفضايح

ضع علامة √ فى المربع 
أحد الخليجيين كان فى زيارة لمصر وراح لدكتور طبيب للعلاج ودخل العيادة ودفع الفيزيتا 150 جنيه وقعد يستنى دوره ولما جه دوره دخل للدكتور ووصف مرضه وشكوته وطبعا الدكتور عرف من لغته انه خليجى مش مصرى فكتبله الروشته ووصفله العلاج وطمنه وقاله :؟؟؟؟؟؟؟؟
وانت خارج سيب 100 جنيه كمان للأخ اللى قاعد برة ..................
الخليجى طبعا سأل نفسه وسأل قريبى اللى حكالى على القصة دى وهو متأذي : هو انا عملت ايه أكثر من الكشف عند الدكتور ليه أدفع 100 جنيه زيادة ؟؟؟؟؟؟؟؟؟؟؟؟
كانت فضيحة طبعا ان الطبيب المصرى ابتزه لأنه خليجى
ليه الصورة اللى زى الزفت دى اللى بنوصلها للناس عن المصريين مش كفاية اللى بيقولوه علينا؟
الدكتور دة استفاد ايه من ال100 جنيه الزيادة غير ان صورته بقت سيئة
هقول ايه ولا اعيد ايه
ربنا أمر بالستر

هناك 10 تعليقات:

هانى زينهم يقول...

هى فى الواقع مش غلطة الدكتور لان ده طبيعى .بيعمله العينة دى من الدكاترة والعربجية برضه بتوع الاقصر واسوان لما يعرفوا انهمما بيتعاملوش مع مصريين . هى غلطة الخليجى انه جى هنا اصلا !! فضلا بقى عن انه اتعالج هنا كمان !!

عمرو يقول...

يعنى هذا الطبيب الجشع يفرق أيه فى سلوكه عن سواق التاكسى الجشع و لا البياع المتجول الجشع و لا حتى الشحات الجشع ؟؟
و بعدين لو هم أتكلموا علينا بشكل مش لائق بصراحه بيبقى عندهم حق خلينا واقعيين و خلينا نواجه عيوبنا بشجاعه ..
ما هو السائح خليجى أو أجنبى من لحظة ما بينزل فى المطار لحد ما بيغادر تانى من المطار و هو بيتعامل مع مجموعة جشعين و بجحين و عيونهم قويه و لا عندهم لا دم و لا حيا بالاٍضافه لما تلاقيه السائحات من تحرشات و قلة أدب و سماجه متناهيه و نرجع بعد كده نشتكى أنهم بيتكلموا عننا وحش !!
لأ و أيه و لسه بنتكلم عن صناعة السياحه و تنميتها !! يا أخى النه

nona يقول...

أستاذ هانى ..

صح والله
عندك حق هو اللى غلطان هههههههههه
اصلة ياعينى فاكر ان دكاترة هنا بيفهموا
هو بئا اللى جابه لنفسه هنزعل عليه ليه بئا

nona يقول...

أستاذ عمرو..
فعلا الطبيب دة يشبه البياعين
دة يمكن البياعين بيتكسفوا عنه

عمرنا عمرنا منحسن صورتنا قدام العالم طول مافى دود زى الدكتور دة بيبوظ كل اللى بنحاول نعمله

شمس النهار يقول...

علي فكره السمه واحده في كل الدول العربيه انا لما كنت في الحج دفعت 100 ريال لسواق التاكسي في مسافه كبيرها 10 ريال
بس هو اصر اني ادفع 100 واخدهم قبل مااركب ونزلني في مكان قبل اللي انا عيزاه عشان لوكان نزلني في المكان اللي انا عايزاه كان هيلف لفه كبيره ونزلت ومشيت مسافه اخري ودعيتله ان ربنا يكفيه شر نفسه عشان خدمة الحجاج دي ثوابها كبير هو حرم نفسه منها بجشعه والله اعلم
فامش المصريين بس اللي بيعملوا كده

nona يقول...

شمس النهار
صح عندك حق والله
مش مصر بس
بس مصر ريحتها فاحت
وبئا شكلنا وحش

دة حتى فى الحج او فى اى حتة فى السعودية لما بيندهونا

بعلو صوتهم بيقعدوا يقولوا ( انت يا مصرى)

تحسى انهم بيقولوها شتيمة

ربنا يهدى الجميع

مصطفي ريان يقول...

مش عارف اقول ايه
هومشبسبب الظروف القتصادية ولمنها صفة في المصريين للاسف ومش بس على الاغراب لودورتي هتلاقينا كلنا بنحط ايدينا في جيوب بعض
تحياتي لك

Soul.o0o.Whisper يقول...

السلام عليكم و رحمة الله

نونا

أولا بأشكرك على زيارتك الجميلة
و يارب مش تكون الاخيرة

ثانيا عاوزة اقولك دا صنف من البشر عدنا بنقابله فى حياتنا عااااااااااادى

لما الانسان بتسيطر عليه المادة
و يلغى ضميره
و مش يحس برقابة ربنا
فلا تستغربى منه أى تصرف
و زى ما المثل بيقول

" إذا لم تستحى فاصنع ما شئت "



ربنا يهدى الجميع




خالص ودى

nona يقول...

مصطفى..
عندك حق
بس المفروض ان المصريين دول كانت سمعتهم زمان بين الدول كويسة أوى وعالية أوى وكانت راسنا دايما مرفوعة اننا مصريين
بس لما يحصل دة وغيره بقينا قليلين اوى فى نظر الناس كلها

شكرا ليك

nona يقول...

Soul.o0o.Whisper
مدونتك جميلة وانا شرفنى انى زرتها

انتى صح والله اليومين دول بنقابلهم كتيييير جدا
لدرجة اننا خدنا عليهم
بس مش لازم الأغراب كمان يشفونا بالوضع دة

نورتى المدونة