التلميذ: ألو .. الحقينى ياماما هاتى بابا وشوية بلطجية وتعالوا المدرسة علشان فى أستاذ عايز ينضرب النهاردة
الأستاذ ضربنى و زعقلى ....
الأم : يا خرابى يابنى دة يومه أسود ثوانى وهتلاقينى عندك
الأستاذ ضربنى و زعقلى ....
الأم : يا خرابى يابنى دة يومه أسود ثوانى وهتلاقينى عندك
اثبت ياواد وأول ما أوصلك هديك ميسد...
هو دة الحوار اللى حصل بين تلميذ الصف الأول الاعدادى مع والدته من خلال الموبايل اللى مع المحروس اسم الله عليه من داخل الفصل فى المدرسة
( الله يرحم زمان دة احنا مكناش عيال ..عنده موبايل وهو عنده لسة ميجيش 11 ولا 12 سنة )
الأم وصلت المدرسة بوصلة من الزعيق ودخلت وهجمت على المديرة ازاى ابنى ينضرب فى المدرسة دة الدنيا تقوم متقعدش
طبعا المديرة الله يكون فى عونها طلبت المدرس والولد و سألت الأستاذ : ليه ضربت الولد
قالها : دة ولد خايب ومشاغب ولما ضربته شتمنى بالأم والأب
وحاولت تساوى الموضوع حفاظا على مستقبل النشئ
( طبعا الأستاذ غلطان انه ممسكش أعصابه شوية واستحمل الولد اللطيف دة)
بس يعنى ايه الولد يدخل المدرسة بموبايل
يعنى ايه الولد يرد على الأستاذ ويشتمه وفى الآخر يفضل فى المدرسة بدون حتى مجلس تأديب
( طبعا كل دة حفاظا على العملية التعليمية لتبوظ)؟؟؟؟؟؟
ولا على ايه بلاش فضايح ........
هو دة الحوار اللى حصل بين تلميذ الصف الأول الاعدادى مع والدته من خلال الموبايل اللى مع المحروس اسم الله عليه من داخل الفصل فى المدرسة
( الله يرحم زمان دة احنا مكناش عيال ..عنده موبايل وهو عنده لسة ميجيش 11 ولا 12 سنة )
الأم وصلت المدرسة بوصلة من الزعيق ودخلت وهجمت على المديرة ازاى ابنى ينضرب فى المدرسة دة الدنيا تقوم متقعدش
طبعا المديرة الله يكون فى عونها طلبت المدرس والولد و سألت الأستاذ : ليه ضربت الولد
قالها : دة ولد خايب ومشاغب ولما ضربته شتمنى بالأم والأب
وحاولت تساوى الموضوع حفاظا على مستقبل النشئ
( طبعا الأستاذ غلطان انه ممسكش أعصابه شوية واستحمل الولد اللطيف دة)
بس يعنى ايه الولد يدخل المدرسة بموبايل
يعنى ايه الولد يرد على الأستاذ ويشتمه وفى الآخر يفضل فى المدرسة بدون حتى مجلس تأديب
( طبعا كل دة حفاظا على العملية التعليمية لتبوظ)؟؟؟؟؟؟
ولا على ايه بلاش فضايح ........
هناك 17 تعليقًا:
ياااااااااه . كنت حاسس انى هاموت قبل ما اقرا بوست زى ده . اخيرا لقيت حد بيتكلم كويس عن المدرس وحاله . روحى يا شيخة ربنا ينصرك على عدوينك وما تشتغلى مدرسة ابدا .
ههههههههههههههههههه
انا بشتغل مدرسة فعلا بس بتعامل مع طلبة الجامعة واقدر اقول لحضرتك ان مفيش فرق بين طلبة الابتدائى وطلبة الجامعة
بس والدتى وكيلة فى مدرسة اعدادى وبتشوف أشكال والوان
والله انا بتذهل من الحاجات اللى بتحكيهالنا كل يوم
ههههههههههههههههه الضحكه المجلجله دى على تعليق ابو ملك
يا سلام لقى اخيرا حد فى صفه اصله يا نها كان ومازال متعاطف مع المدرس اليى اتسبب فى وفاة الطفل اسلام
تخيلى بئه فرحتيه ازاى
لو انتوا الاتنيين مش غاليين عندى بس
والبوست فعلا فى محله كان هيبقى ليا تصرف اخر يعنى كنت هزعل قوى
خلاص سمعت اتفلق
وسمعتها كويس كمان بس انا مبتفلقش على فكره
بس بوست اخر من بوستاتك القويه يا ملكة التدوين القادمه والحاليه والماضيه والمخلوعه
انا لسه قاعده على عتبة المجد يااختى وبشوال قشر الموز
وده للعلم بس
شفتى اخرة المجد معايا ايه ههههههههههههه شوال ومحصلش يبقى فيه موز حتى الا قشره بس
سلام بئه عشان الحق اجوع نفسى لعزومة بكره ههههههههههههههه
غدانا عليك يا رب
خلوها اسماك لانى مليش فى اللحوم قوى ههههههههههههههههههههه
وانا بقول يابت يانهى هو انتى مطفيتيش النور قبل متمشى امبارح من المدونة ولا ايه ..
أتارى محاسن هنا اي النور دة كله انتى معندكيش ترشيد لاستهلاك النور ؟؟
اما عن الموز فأنا بئا واعية وواخدة بالى وبمشى على الحتت الفاضية
احنا امبارح زارنا رئيس الوزرا اى والله
فرحتى بزيارتك زى فرحتى يوم ماجه رئيس الوزرا علشان يحط حجر الاساس فى المكتبة اللى على أول الشارع
بااااااااااااااااااااااظت العملية التعليميةواصبح المدرس فى خبر كان والطالب هو الاساس
وربنا على المفترى
بالنسبة بئا للاستاذ الى شوه اسلام من يومين والى قتلى اسلام التانى من شهور واللى لسة هيعمل بلاوى انا لا يمكن اتعاطف معاهم ابدا
لانهم كبار ولما واحد كبير يعمل حاجة زى دى يبئا سابوا ايه للصغيرين اللى معندهمش عقل
مهما كانوا العيال بيجننوا فى المدارس بس دة ميديش الحق فى انهم يعملوا كدة فى اطفال هما أمانة فى رقبتهم
انا بس فى الموضوع بتاعى حبيت أظهر حاجة غريبة بتحصل فى المدارس من الطلبة ولو لقيت حاجة من المدرس بردو هكتبها
أصل دة ميمنعش ان الغلط وارد من الكل طالب وأستاذ ومحدش خارج نطاق المسئولية
بجد حاجه تزعل اوي هم يضحك وهم يبكي
لما يكون الاب والام كده
مستنين الولاد يكونوا ايه
تسلم ايديك يا دكتوره
اختك الصغري
يا mk
لا المدرس ولا الطالب هو اساس العملية التعليمية
التعليم باظ وضرب خلاص التعليم لا بيهتم بالطالب ولا بالمدرس ولا بأى حاجة
عندك حق يا اسراء
واضح ان الأهالى كمان بتربى الطفل على العنف بالرغم من انهم ممكن يكونوا بيآسوا من المعاملة السيئة للمعلم والمعاملة السيئة للتلميذ
معدش حد بيحترم حد
المفروض ان الاباء همه اللي يتربوا الاول
قبل مانودي الاولاد المدارس
المشكله ان الاباء دول فهمين انهم كده بيحبوا اولادهم وهمه في الحقيقه بيضروهم وبيفقدوهم احترامهم للأخر والكبير
وبالتالي بيكون اول الضحايا الاباء نفسهم لهذا الوحش الادمي اللي ربوه غلط
وتمتلاء دور المسنين بجحود الابناء للأباء
الموضوع كبير صدقيني اكبر من كده دي اخلاق بتذبح علي يد الاباء
شمس النهار
عندك حق الآباء هما الأساس فى تشكيل الأبناء اللى هما الأجيال الجديدة اللى بيطلعوا عقدهم على الناس بعد كدة
الظاهر اللى بيربى عياله على مكارم الأخلاق بئا قليل دلوقت
عارفة ياأستاذة انا فى كل لحظة
بقول الله يكون فى عون المدرسين فى
وقتنا الحالى وازاى بيقدروا
يواجهوا التلامذة والطلبة
المتسلحين ان لم يكن
بالمطاوى والسكاكين
فعلى الاقل ب(لسان)
طوله 7أمتار
على الاقل!
طبعا العلم لايكيل إلا بالباذنجان فى بلد تكثر من أكل الباذنجان إشى مقلى وإشى مشوى وإشى مسلوق زى الكتب المسلوقة التى يسوقها أصحاب الذمم الفاسدة والقلوب الصدئة التى تقهر الفقراء من الطالبات وانتى فاهمة طبعا لأن هذه الكلية أصبحت سمعتها دولية وهذا لاينساق على كل أعضاء هيئة التدريس ففيهم الشرفاء أصحاب القلوب الرحيمة الذين يرضون بقليل القليل وحضرتك أكيد فاهمة وماذكرتيه من وسائل الابتذاذ التى يقوم بها بعض الدكاترة قليل من كثير فهناك الكثير من الأفعال التى يندى لهلا الجبين .
norahaty
عندك حق والله المدرس فى الحتة دى مظلوم وحقه مهدور وقيمته قليلة
بس دة بيخليه من غيظه يطلع زهقه على الطلبة لدرجة القتل والتشويه
مش عارفين العيب منين البيضة ولا الفرخة
طبعا يا دكتور محمد أكيد فى ناس كتير كويسة ومحترمة ومن غير مجاملة طبعا حضرتك والدكتورة من الناس النادرة الوجود فعلا
بس كان نفسنا ان الناس كلها تكون كدة ولو المعظم يعنى بلاش الكل
شرفنى دخولك على المدونة جدا
إرسال تعليق