الأحد، 15 مارس 2009

آآآه ياعينى .... بس من غير ياليل


فى قلة من الناس بيحبوا يحشروا روحهم فى مهنة الطب ..ليه مش عارفة

هل المهنة دى بتكسب للدرجة دى ؟؟ اكيد بتجيب فلوس كتير

يعنى مثلا لو دكتور عيون ( طبعا انا مش هقولكم انه بيشتغل فى مجموعة مصرية لعمل تصحيح النظر بالليزر)وبعيدين يلهف 3200
جنيه ويلخبط شوية فى عين الواحد ويقوله مبرووووك انت بقيت بتشوف تقعد اسبوع واتنين شايف فل الفل وفجأة عينك تدغشش ويرجع نظرك يضعف وتييجى تروحله تلاقى حاجة من الاتنين : تلاقى واحد يحطلك لوحة النظر قدامك وكل شوية يقول شايف دى؟ تقوله لأ.. طيب دى؟ تقوله لأ .. يقولك قوم قوم مانت حلو اهوه .... او تلاقى دكتور يقولك : يابنى العملية دى نسبة النجاح فيها 99.9% وانت بئا عمليتك فشلت (اللى هى 0.1% )

يادى الحظ

دة حظ دة ولا قلة ضمير من ناس مبتفهمش حاجة فى الطب

عموما يا جماعة ربنا حليم ستار ....

هناك 7 تعليقات:

mahasen saber يقول...

لقد حضرتى اهلا وحللتى سهلا

ونورتى البلوجر يا قمر
يا حبيبتى يا شقيقة القلب يا نونتى

mahasen saber يقول...

اما الدتور اليى اخد شهاده بوفاة ضميره

فاحب ااقله من موقعى هذا

روح يا شيخ ..حسبى الله ونعم الوكيل فى امثالك

يا وحش

mahasen saber يقول...

اما الدتور اليى اخد شهاده بوفاة ضميره

فاحب ااقله من موقعى هذا

روح يا شيخ ..حسبى الله ونعم الوكيل فى امثالك

يا وحش

بلاش فضايح يقول...

دة نورك يا سكر هو انا لولاكى كنت فكرت فى المدونة اصلا
كله بمساعدتك يا قمر

mahasen saber يقول...

كله بفضل الله طبعا ونعم بالله

بجد انتى تنورى اى مكان تتواجدى فيه يا حبيبتى يا اختى الغاليه

انتى ودعاء طبعا طبعا

مامة مازن يقول...

نونا كيف الاحوال اتمنى تكونى بخير دائما
شوفى واحد قريبنا عمل عملية زرع قرنية وفشلت ورجع عملها تانى
شوفى العملية بتتكلف كام
وشوفى الالام اللى عاشها
وشوفى بهدلته من والى الدكتور اللى هو فى محافظة تانية
اه كل شىء قسمة ونصيب لكن حرام ليه منعملش تحاليلنا كويس وكشوفاتنا مظبوطة ليه نتعب الناس اللى تعبانه اصلا
وليه حتى الطب بقى فهلوة وتقليب عيش
وليه نسيو قسم بقراط
ليه نسيو انهم ملائكة الرحمة

بلاش فضايح يقول...

مامة مازن..

معدش فى اى ملائكة رحمة
الدكاترة معظمهم بئا همه الفلوس وبس
مع انهم لو هما اللى بيتعالجوا وبيتعمل فيهم عمليات بالشكل دة لغاية لما جسمهم يتشرح
كانوا خافوا على أنفسهم

شكرا يا قمر على مرورك