الأربعاء، 27 يوليو، 2011

متحف الثورة ...

ضع علامة √ فى المربع 
فكرة مجنونة كعادة أفكارى ...



ان شاء الله بعد عمر طويل كدة لما ربنا يسهل ومبارك الله يرحمه يتحاكم و تروح كل أمواله و ممتلكاته للدولة دة اذا فضلنا عايشين لليوم دة .. ليه مناخدش القصر اللى كان عايش فيه ونعمله متحف لثورة 25 يناير على غرار قصر دراكولا كدة*** نحط فيه كل الأحداث بما فيها الاعتصامات والمظاهرات والاستفتاء واللى حصل بعده والعباسية وكل حاجة كل حاجة ____________



المتحف طبعا هيضم كل الصور اللى اتصورت فى الثورة من اول يوم لحد محاكمة مبارك ونظامه ورجوع الحق لاصحابه اللى هما احنا طبعا وكل صورة يتكتب تاريخها و مكانها فى مصر ... وكمان يكون فى قاعة للعرض تضم الفيديوهات اللى اتصورت أيام الثورة كلها بكل الاحداث اللى حصلت ... وكمان قسم تتعرض فيه الصحافة او يعنى صور منها مايخص الثورة سواء صحافة مصرية او عالمية ... و كمان نحط صور الشهداء وكل واحد نكتب تحته جملتين يعبروا عنه واسمه ومعلوماته ... وطبعا قسم للمواهب اللى ظهرت ايام الثورة من شعر ورسم وتعبير عن الاراء اللى مكنش ممكن التعبير عنها قبل كدة ... ومتحف زى دة يتطلب ان كل المصريين اللى عنده صورة او فيديو او معلومة يجيبها للمسئولين الشرفاء عن المتحف علشان يبقا متكامل و جميل.

واحد بيقول نعمله مستشفى .. طب بذمتك يا أخى انت هيجيلك نفس تروح تتعالج هناك ،، وهو نفس الواحد بيقول نعمله مصنع .. طب بردو انا راضية زمتك يا أخى هتعمله مصنع ايه ؟؟ دة متكلف و متزوق وفلوسنا كلها راحت على ديكوراته .. هيبقا مصنع ايه دة؟؟ اسمنت ولا حديد ؟ ولا اكياس بلاستيك ... هو مفيش احسن من ذكريات انتصارنا على دراكولا المصرى واهو منه نشوف القصر من جوه شكله ايه :)


الكلام دة طبعا مش هيتحقق غير فى الالفية الجديدة على ما النظام يتحاكم او ناخد حقنا فى الجنة بقا




















هناك تعليقان (2):

شمس النهار يقول...

فكرة جميلة جداااااااااا

بس مش لما يسلموا القصر اصلا

ان شاء الله ربنا يمد في عمره ويتحاكم
والشعب ياخد القصر يعمله متحف
ويكون عبره لأي حد يحكمنا ويحب يتفرعن يروح يزور المتحف ويعرف اللامبارك حصل فيه ايه

nona يقول...

مانا قلت بعد عمر طويل بردو :))))