الثلاثاء، 4 مايو، 2010

آكلى لحوم البشر

ضع علامة √ فى المربع 
كلنا بلا استثناء سمعنا وشفنا صور وفيديوهات عن المصرى اللى اندبح فى لبنان ..
طبعا قصته وصوره مؤذية جدا جدا.. حسيت لأول وهلة ان انا بتفرج على جزيرة من اللى بيعيش فيها آكلى لحوم البشر أو زى اللى

بنشوفهم فى ( توم وجيرى ) الهنود الحمر وهما بيحطوهم فى وعاء كبير ويطبخوهم على النار .. لدرجة انى سألت نفسى هما أهل

القرية بعد ما مثلوا بالجثة وعملوا فيها كل دة كلوا القتيل ؟؟؟
مهو بعد كل اللى عملوه فيه معدش فاضل غير انهم ياكلوه ..
كمية التعذيب اللى اتعملت فى الجثة مقدرش غير انى اسميها (غباء) لأن هو مات مش حاسس بحاجة ، دة غير ان التمثيل بالجثث حرام شرعا ..
لا شك انا مقدرة غضبهم الشديد لأنه بغباءه قتل أضعف اربعة فى بيتهم انا شخصيا لو حصل دة فى عيلتى مش هيكفينى اللى حصل فيه .. بس احنا لينا خالق بيحكم الكون بما فيه احنا ومن بعده قانون ..
اللى عملوه فى الجثة كتير وزيادة أوى وميتحملوش قلب بشر ..
ويافرحة المتعصبين شغالين الله ينور ، مع ان التعصب كان آخره من أيام الجاهلية بس واضح انه وراثه..
هما عايزين يوقعوا البلدين فى بعض وبعد كدة يصقفوا مع ان هما عارفيين كويس ان الولد هو اللى غلط وقتل أربع ضعفاء من بيت واحد .. صحيح مكنتش دى تبئا طريقة التعامل معاه بس طالما بدأ بالغلط يبئا هنقول ايه؟؟
انا فى اعتقادى ان لو العكس هو اللى حصل لو لبنانى عمل كدة فى بيت مصرى كان ممكن يحصل زى كدة بس طبعا مش بنفس كمية التعذيب لأن المصريين مش من آكلى لحوم البشر .. دة حتى كمان يمكن كانت الشرطة مسكت المصريين علمتهم الأدب وعملت فيهم زى متعمل بالمصرى فى لبنان حفاظا على أواصر العلاقة بين مصر ولبنان.. وحقنا عند ربنا

هناك 10 تعليقات:

Hesham يقول...

عندك حق واتمنى بس تقرأى ماكتبته عندى

فتاه من الصعيد يقول...

تمام

بصي هما اهل الجبل زي الصعايده كده عندنا...بس الامن في لبنان شكله اي كلام موش زي عندنا خااااااالص

ربنا يرحم الجميع

تحياتي

Tarkieb يقول...

دي كانت بس قرصة ودن لمصر عشان الحكم على خلية حزب الله ومتصدقيش حكاية ان قتل اربعة واختصب ... اللي مفبرك الحكاية متوصي اوووي بالشطة لدرجة اني مش عارف ابلع الحكاية اصلا... الله يرحمه ويصبر اهله اكيد الصورة مش حتروح من ذاكرتهم ابدا

الازهرى يقول...

انا اول مرة اسمع عن الموضوع

لككن باذن الله هاحاول اججمع معلومات عنه
اما بخصوص اللبنانيين فمعروف عنهم لتهور والانفلات فى ردود الأفعال على العموم ودا سبب رئيسي فى التدهور الموجود هناك

تحياتى

Me7'o يقول...

قؤيت كلمة على مصراوى بتقول

المصرى
مطرود من الجزائر
معتقل فى السعودية
مضروب فى السودان
مسحول فى لبنان
ميت فى مصر

تحياتى

nona يقول...

أستاذ هشام
اهلا بيك
انا قريت مدونة حضرتك
بيقولوا انه الشاب دة ملوش ذنب فى حاجة ومعملش حاجة
بس الله اعلم
مات والسر معاه
شكرا لمرورك الكريم

nona يقول...

فتاة من الصعيد
ازيك وحشانى والله
هو الأكونت بتاعك على الفيس بوك ايه؟
هو تقريبا فعلا لبنان أمنها ضعيف والا مكانتش لسة بتعانى من اسرائيل ومشاكلها

تسلمى يا جميلة

nona يقول...

Tarkieb
اهلا بحضرتك على مدونتى المتواضعة
بس انا كتبت اللى حسيت بيه من اللى سمعته وشوفته بس
لكن انا أكيد مكنتش معاهم علشان اعرف الحقيقة

شكرا ليك

nona يقول...

أزهرى
ازيك عامل ايه؟
انت عندك حق بس اللى شوفناه زيادة بجد
شكرا ليك

nona يقول...

ميخا
ازيك وازى مدونتك؟
والله كلامهم سليم
معدش فاضل حاجة ههههههههههههه